О́rtten kelgen materıaldyq shyǵyn mıllıondap sanalady. Turǵyndardyń salǵyrttyǵynan 149 órt oqıǵasy bolǵan. Kóp rette pesh jáne basqa da jylytý quraldaryn ornatqan kezde órt qaýipsizdigi erejeleri buzylǵan, deıdi mamandar. Mas kúıinde tósekte jatyp temeki shegýdiń saldarynan órt shyǵatyn jaǵdaı da kezdesedi. Byltyr jylý berý maýsymynda tilsiz jaýdan 15 adam qaza tapqan.
«2000 jyldan beri memlekettik órt baqylaý organdaryna jekemenshik úılerde tekserý júrgizýge tyıym salynǵan. Departament mamandary jylý berý maýsymy kezinde úgit-nasıhat jáne órttiń aldyn alýǵa qatysty jumystardy belsendi túrde júrgizip otyrady. 130 myńnan astam úıdi aralap shyqtyq», deıdi oblystyq tótenshe jaǵdaılar jónindegi departamenti bastyǵynyń orynbasary Manarbek Shapaǵatov.
Aıtýynsha, bul iske volonterler, óńirdiń aýdıtorlyq uıymdary kóp kómek kórsetip jatyr. Úı-úıdi aralaý kezinde jylytý peshteri men gaz ballondaryn jáne elektr júıelerin durys ornatpaýǵa qatysty 20 myńǵa jýyq órtke qarsy talaptardyń buzylǵandyǵy anyqtalǵan.
Sonymen qatar áleýmettik jaǵynan az qamtylǵan otbasylaryna arnaıy dabylqaqqyshtar ornatýǵa qatysty jumystar júrgizilip jatyr. Kúni búginge deıin 2 myńnan astam osyndaı qurylǵy ornatylǵan. Jyl sońyna deıin taǵy da 1 552 dabylqaqqysh ornatý josparlanyp otyr.
