Osy kúnderi qoǵamdyq tártipti baqylaýǵa 630 qyzmetker qatysty.
Buzýshylyqtar arasynda 28 qylmys bolyp, onyń 23-i tez arada ashyldy. Ákimshilik quqyq buzýshylyqtar sany – 1 358. Sonyń ishinde 232-si qoǵamdyq oryndarda spırttik sýsyndar ishý jáne iship kelý. Otbasylyq-turmystyq qatynastardaǵy quqyq buzýshylyqtyń 51 faktisi tirkeldi. Turǵyndardyń mazasyn alý boıynsha 50 derek tirkelgen.
Soltústik Qazaqstan oblysy polısııa departamenti bastyǵynyń birinshi orynbasary Qanat Aıtbaevtyń aıtýynsha, jol júrý tártibin buzýshylarǵa aıryqsha nazar aýdarylǵan.
Osy ýaqyt aralyǵynda 85 júrgizýshi jyldymdyqty shekteýli mejeden asyrǵany úshin toqtatylyp, jaýapkershilikke tartyldy. Jaıaý júrginshi jolaǵynyń tártibin 19 adam buzǵan. Al jaıaý júrginshilerdiń ózi 249 ret buzýshylyq jasady. Sonymen qatar 23 júrgizýshiniń ishimdik iship rólge otyrǵany anyqtaldy.
