Baıqaýǵa qatysý úshin Eskendirovter otbasyna «Qoldy dezınfeksııalaý – densaýlyq kepili» atty taqyryp usynylǵan bolatyn. Olar antıseptık dozatorynyń batyrmasyn basatyn mashınanyń jobasyn qurastyryp shyqty.
«Nazarbaev zııatkerlik mektebiniń muǵalimderi habarlasyp, baıqaýǵa qatysýǵa usynys jasady. Biz birden kelisim berdik. Baıqaý ınjenerlik-tehnıkalyq salaǵa qatysty bolǵandyǵyna qyzyqtyq. Sheberhana sehyna qalqanǵa tapsyrys berdik. Metall sharlardy taýyp aldyq. Qalǵany – qolda bar quraldar», deıdi jeńimpaz oqýshynyń ákesi Jasulan Eskendirov.
Jas ónertapqyshtyń aıtýynsha, olardyń komandasy «Kún kúrkireý, gúril jáne naızaǵaı» dep ataldy. Iske qosý kezinde jobanyń negizgi bólshegi sanalatyn shar qozǵalady. Sodan soń aınalyp, naızaǵaıdyń kúrkiregenindeı daýys shyǵady. Álıdar men ákesiniń aıtýynsha, bul jobany daıyndaýǵa birneshe kún ketken.
«Biz olardyń beınerolıkterin kórdik. О́zimizge keıbir ıdeıalardy aldyq. О́zgertý engizdik. Ideıany oılap tapqan – men, júzege asyrǵan – ákem», deıdi baıqaý jeńimpazy Álıdar Eskendirov.
Aıta keteıik, robototehnıkaǵa qyzyǵýshylyǵy erte oıanǵan Álıdar bolashaqta ınjener, ónertapqysh bolýdy armandaıdy.
