Jańa jataqhana Elbasy – Tuńǵysh grezıdenttiń bes áleýmettik bastamasy aıasynda boı kóterdi. Onyń qurylysyna «Teńizshevroıl» JShS «Igilik» áleýmettik baǵdarlamasy arqyly qarjy bólgen. Tórt qabatty jataqhana bólmeleri kúndelikti turmysqa qajetti jabdyqtarmen qamtamasyz etilgen. Munda stýdenttermen birge jas otbasylar da tura alady. Ár qabatta 4 teledıdar men 12 avtomatty kir jýý mashınkasy bar.
«Qazir óńirdegi 24 tehnıkalyq jáne kásiptik bilim berý uıymdarynda 15 myńnan astam stýdent bilim alady. Olardyń jataqhanaǵa degen suranysyn 2022 jylǵa deıin sheshýdi kózdep otyrmyz. Elbasynyń «Bes áleýmettik bastama» úndeýindegi tapsyrmasyna sáıkes, 2018 jyly arnaıy jol kartasy qabyldandy. Sonyń aıasynda 2 jataqhananyń qurylysy aıaqtaldy», dedi aımaq basshysy Mahambet Dosmuhambetov.
Al Atyraý qalasy jáne Inder men Jylyoı aýdandarynda kolledj jataqhanalary salynyp jatyr
Qazir atalǵan kolledjde 773 stýdent oqıdy. Onyń 189-i – aýyldyq eldi mekenderden kelgen jastar. Sondaı-aq, ınjener-oqytýshylar quramyndaǵy 93 mamannyń jıyrmasy ózge óńirler men aýyldardan kelipti.
