«Táýelsizdik – bul ejelden beri ata-babalarymyzdyń armandap kelgen kúni.
Egemendik alǵan kúnnen bastap Qazaqstan halqy eldi birlikte damytý úshin barlyq kúsh-jigerin jumsady. Osy ýaqyt ishinde biz úlken jetistikterge jettik, halyqtyń ál-aýqaty artyp, ómir súrý sapasy jaqsardy. Bul úderistegi Elbasy men Memleket basshysynyń úlesi zor, halyqtyń ál-aýqaty árqashan olardyń erekshe nazarynda ekenin bárimiz bilemiz. Al bizdiń basty mindetimiz – El Prezıdentiniń bergen tapsyrmalaryn tolyq oryndaý jáne barlyq is-sharalardy qamtamasyz etý.
2020 jyly zeınetaqy mólsheri eki ret arttyryldy. Nátıjeli jumyspen qamtýdy jáne jappaı kásipkerlikti damytý «Eńbek» memlekettik baǵdarlamasy belsendi iske asyrylýda, bıyl oǵan 580 myńnan astam adam qatysty.
Búginde elimizde 7 mln otbasy bar, onyń 180 myńnan astamy tabysy az otbasylarǵa jatady, al 413 myńnan astam otbasy kópbalaly bolyp tabylady. Elimizde 705,5 myń múgedektigi bar adam turady.
Tótenshe jaǵdaı jáne karantındik shekteýler kezeńinde bizdiń azamattarymyzdyń ál-aýqatyn jaqsartýǵa baǵyttalǵan áleýmettik qorǵaý sharalary halyqqa qyzmet etýdiń úlgisi bola alady. Bul kezeń bizdiń elimiz úshin kúrdeli kezeńderdiń biri boldy. Alaıda, birlesken kúsh-jigerimizdiń arqasynda biz osy kúrdeli kezeńde tabysynan aıyrylǵan 4,6 mln qazaqstandyq úshin 42 500 teńge mólsherinde áleýmettik tólemder túrinde qoldaý sharalaryn iske asyra aldyq.
Azamattardyń jekelegen sanattaryn qosymsha qoldaý úshin 1,1 mln-nan astam adam azyq-túlik jáne turmystyq jıyntyqpen qamtamasyz etildi.
Qazirgi tańda, halyqtyń ómir súrý deńgeıi jaqsaryp keledi.
Sóz sońynda, Qazaqstan halqynyń ál-aýqatyn jaqsartý, elimizdiń damýy men gúldenýi jolyndaǵy qajyrly eńbekterińizge tabys tileımin.
Al barsha qazaqstandyqtarǵa amandyq pen zor densaýlyq tileımin! Táýelsiz elimizde árqashan beıbitshilik pen tynyshtyq bolsyn!» – dedi Birjan Nurymbetov onlaın-rejımde ótken QR Táýelsizdik kúnine arnalǵan saltanatty is-shara barysynda.
