Qutqarylǵandar arasynda tórt bala bar, olardyń kishisi úsh jasta ǵana.
– Áriptesim, Samat Nurovpen birge tańerteń jumysqa bara jatqan edik. Jansúgirov kóshesiniń boıymen kele jatyp, jeke sektordan shyqqan qoıý tútindi baıqadyq. Keri qaraı burylyp, 657-úıge qaraı júgirdik. Monsha órtenip jatyr eken, órt úıge qaraı tarap úlgergen. Ishinde adamdar boldy. Olar qatty uıyqtap jatqandyqtan, otty sezbegen. Olardy úıden tereze arqyly alyp shyǵa bastadyq. Aldymen balalardy, sodan keıin eresekterdi shyǵardyq. Otaǵasy túpki bólmeden ájeıdi shyǵardy, biz ony tereze aldynda kútip aldyq. Sonymen qatar qosymsha kómekti de shaqyrdyq. Patrýldik ekıpaj kelip, jaqyn mańdaǵy úılerdiń turǵyndaryn evakýasııalaı bastady. О́rttiń bir-birine jaqyn ornalasqan basqa turǵyn úılerge de taralý qaýpi boldy. Qudaıǵa shúkir, eshkim zardap shekken joq, – dedi Túrksib aýdandyq Polısııa basqarmasynyń ýchaskelik ınspektory Jaınat Moldaǵalı.
О́rttiń shyǵý sebebin mamandar anyqtaıdy.
– Men polıseılerge qatty rızamyn. Eger olar bolmasa, biz bárimiz, búkil otbasymyzben órtenip keter edik. Janymyzdan ótip ketpeı bizge kómekteskenderińiz úshin kóp rahmet, – dedi kópbalaly ana. О́rt bolǵan kúni otaǵasy áleýmettik jelide post jazyp, onda polısııa qyzmetkerlerine otbasyn qutqarǵany úshin alǵysyn bildirgenin esterińizge sala keteıik.
