Abaı alleıasynyń ashylý saltanatyna aýdan ákimi B.Omarbekov, aýdandyq máslıhat hatshysy N.Qoıbaǵarov, ardagerler keńesiniń tóraǵasy Átirhan Shyńǵysbaev, Qazaqstan Jazýshylar odaǵynyń múshesi Temirǵalı Kópbaev jáne arnaıy kelgen qonaqtar, zııaly qaýym ókilderi men jýrnalıster qatysty. «Elbasynyń "Rýhanı jańǵyrý" baǵdarlamasy aıasynda, aqynnyń 175 jyldyq mereıtoıyna oraı boı kótergen alleıa men Abaı eskertkishiniń saltanatty jaǵdaıdaǵy ashylýy Táýelsizdik merekesimen tuspa-tus kelip otyr. Bizdiń búgingi bul sharamyz uly Abaı Qunanbaıulynyń rýhyna taǵzym etip, onyń mol murasyn dáripteý. Abaı murasy – bizdiń ult bolyp birlesýimizge, el bolyp damýymyzǵa jol ashatyn qasterli qundylyq»,- dedi aýdan ákimi.
Aıta ketelik, alleıada balalar úshin oıyn alańshalary men sportpen shuǵyldanýǵa arnalǵan qurylǵylar jáne demalýshylar otyratyn oryndyqtar ornatylǵan. Iаǵnı turǵyndardyń tynyǵýyna, dene shynyqtyrýy men serýendeýine barlyq qolaıly jaǵdaı jasalǵan.
Túrkistan oblysy
