Koronavırýs ınfeksııasyn juqtyrǵandardyń sanynyń ósýine baılanysty, 2020 jyldyń 31 jeltoqsany kúngi keshki saǵat 21.00-den, 2021 jyldyń 4 qańtar kúngi tańǵy saǵat 05.00-ge deıin el aýmaǵynda hamamdar, saýnalar, basseınder, sport zaldarynyń jumysyna tyıym salynady.
Atalǵan qyzmet kórsetý oryndary jumys isteýlerin búginnen bastap toqtatty. Saýda ortalyqtaryna kelýshilerdiń belgili bir sanyna jáne tek sıfrlyq kod boıynsha ǵana kirýine ruqsat etilgen. Budan buryn Túrkııada kafeler men meıramhanalar úshin ózimen alyp ketý qyzmetinen basqa qyzmet túrlerine shekteýler engizilgen bolatyn.
Nıderlandy Koroldigi bes apta boıy jalpy oqshaýlaý rejımine kóshedi. Memlekette lokdaýn 2020 jyldyń 15 jeltoqsanda engizilip, 2021 jyldyń 19 qańtaryna deıin jalǵasatyn bolady. О́mirlik mańyzy bar ónimderdi satatyn dúkenderden basqa barlyq dúkender jabylady.
Murajaılar men teatrlar, oıyn-saýyq saıabaqtary men haıýanattar parkteri, kazıno men saýnalar, sport zaldar, qoǵamdyq tamaqtaný oryndary, shashtarazdar, sulýlyq salondary men tatý-salondary óz jumysyn toqtatady. Mektepter men ýnıversıtetter erteńnen bastap qashyqtyqtan oqytýǵa kóshiriledi. Úkimet el azamattaryna úılerinen qajetsiz shyqpaýǵa jáne qonaqtardy qabyldamaýǵa shaqyrdy. Mundaı qatań sharalar koronavırýsty juqtyrǵandar sanynyń kúrt ósýine baılanysty qabyldanyp otyr.
