«Muǵalimder men oqytýshylardy umytpaǵandary úshin úlken rahmet aıtamyn. Bizbul kúndi asyǵa kúttik. Páter óte jyly, yńǵaıly», - dedi oqytýshy Laýra О́tepbergenova.
Úsh balanyń anasy Baǵıla Idrısova da elordadaǵy jańa páterdiń kiltin aldy. Páterdiń kiltin tapsyratyny týraly habarlaǵan kezde qatty qýanǵanyn jasyrmady.
«Turǵyn úı kezeginde turdyq. Búkil otbasymyzben óte qýanyshtymyz. Maǵan: «kelip, páterdi tańdap alyńyz», dep habarlaǵanda, baqyttan jylap jiberdim. Qazir bizdiń páterimiz bar ekenine óte qýanyshtymyn», - dep aǵynan jaryldy pedagog Baǵıla Ydyrysova.
Pedagogter turǵyn úıdi «Nurly jer» memlekettik baǵdarlamasy aıasynda jáne Bilimjáne ǵylym mınıstrligi men «QazaqstanIpotekalyq Kompanııa» AQ arasyndaǵy memorandým sheńberinde aldy.
«Búgin elimizdiń eń basty merekesi – Qazaqstan Respýblıkasynyń Táýelsizdik kúni bizdiń áriptes-pedagogterimiz jańa páterlerdiń kiltterin alýda. Aqtóbe, Aqtaý, Almaty, Qaraǵandy qalalarynda da shamamen eki júzden astam pedagog páterge ıeboldy. Biz osy mereke kúni áriptesterimizdiń jańa páterlerge ornalasqanyna óte qýanyshtymyz. Árıne, endi bizdiń áriptesterimiz turǵyn úı máselelerine alańdamaıtyn bolady. Bul – barshamyz úshin úlken qýanysh», - dedi Bilim jáne ǵylym vıse-mınıstri Sholpan Karınova.
