Aımaqtar • 16 Jeltoqsan, 2020

Merekede Qyzylordada jańa nysandar ashyldy

240 ret

kórsetildi

1 mın

oqý úshin

Táýelsizdik merekesinde Syr elinde birqatar jańa nysandar ashyldy. Oblys ákimi Gúlshara Ábdiqalyqova Aral aýdanyna saparlap, aýdandyq oqýshylar úıin paıdalanýǵa berý rásimine qatysty.

Murat JETPISBAEV

Merekede Qyzylordada jańa nysandar ashyldy

– Sizderdi aýdandyq oqýshylar úıiniń ashylýymen quttyqtaımyn. Jańa nysanda ónerli ulandar tárbıelenip, aýdannyń mádenı damýyna zor úles qosady dep senemin. Munda balǵyndar túrli úıirmelerge qatysyp, óz shyǵarmashylyqtaryn shyńdaıtyn bolady, – dedi oblys ákimi Gúlshara Ábdiqalyqova.

Nysannyń qurylysy 2019 jyldyń mamyr aıynda bastalǵan. Syıymdylyǵy 250 adamǵa laıyqtalǵan oqýshylar úıiniń quny 282,1 mln. teńge. Bas merdiger «SSS Injınırıng» JShS-gi qurylys jumystaryn ýaqytyly aıaqtady.

Sondaı-aq, Syr elindegi Shıjaǵa eldi mekeninde dárigerlik ambýlatorııa ashyldy. Jańa medısınalyq ǵımarat 15 bólmeden turady. Qazir munda 15 qyzmetker jumys isteıdi. Jańa nysan memlekettik-jekeshelik áriptestik aıasynda boı kótergen.

Sonymen qatar búgin aýdandaǵy Shómish eldi mekeninde keńeıtilip jáne qaıta jańǵyrtý jumystary júrgizilgen ishki sý jelisi paıdalanýǵa berildi. Atalǵan sý jelisiniń uzyndyǵy 11,9 shaqyrymdy quraıdy. Aýyz sý júıesi «О́ńirlerdi damytý-2020» baǵdarlamasy sheńberinde iske asqan. Shómish aýylynyń aqsaqaly Qosmyrzaly Shahanov el ıgiligine baǵyttalǵan ıgi is kópshilikke qýanysh syılaǵanyn aıtyp, oblys ákimine alǵysyn bildirdi.