Atalmysh qaýymdastyqtyń tóraǵasy Almasbek Sadyrbaevtyń aıtýynsha, Qazaqstan ekonomıkasynyń damýyna jalpy malshylar qaýymynyń qosyp otyrǵan eńbegi orasan zor. Biraq olar týraly qoǵamda aıtyla bermeıdi.
Sol sebepti «Shopan ata» baıqaýy eń aldymen malshylar qaýymynyń abyroıyn ósirýdi kózdeıdi. «Aýyldaǵy sharýa qaýymnyń mártebesin kóterý arqyly biz jas urpaqqa ata kásipti jalǵaýdyń mańyzdylyǵyn, malsharýashylyǵyn damytýdyń ózektiligin uǵyndyramyz», deıdi qaýymdastyq tóraǵasy Almasbek Jumabekuly.
Baıqaý bes túrli nomınasııadan turady. Atap aıtsaq: 3-8 jas balalar arasyndaǵy sýretshiler baıqaýy, tik-tok jelisindegi beınekontent baıqaýy, muǵalimderdiń bastaýysh synyptarǵa arnap jazǵan ashyq sabaq jospary baıqaýy, mýraldyń eskıziniń baıqaýy jáne «Meniń atam – shopan» taqyrybynda vıdeo-estelik baıqaýy.
Jalpy júlde qory 1 mln teńgeni quraıtyn baıqaýǵa qatysýshylar sany kún sanap artýda deıdi atalmysh sharany uıymdastyrýshylar.
