Táýelsizdik kúni qarsańynda turǵyndardyń memlekettik rámizderge degen qurmetin arttyrý, óskeleń urpaqtyń patrıottyq sezimin jańǵyrtý maqsatynda Túrkistan oblysy kóleminde «Meniń týym – meniń elim!» patrıottyq aksııasy uıymdastyryldy.
Aksııa aıasynda oblystyń barlyq aýdan, qalalaryndaǵy jergilikti turǵyndar óz úıleri men eldi mekenderdegi áleýmettik, kásipkerlik nysandardyń syrtyna memlekettik tý ilip, mereke qarsańynda halyqqa patrıottyq rýh syılady. Oblys ortalyǵy Túrkistan qalasynan bastaý alǵan is-shara oblystaǵy 16 aýdan, qalada jalǵasty. Aksııa barysynda oblysta 20-dan asa turǵyn úı men ǵımarattyń balkondaryna, terezelerine 300-den asa memlekettik tý ornatylyp, 200-den asa jastar men turǵyndar qatysty.
Sonymen qatar Túrkistan qalasy – «Jastar resýrstyq ortalyǵy» ǵımaratyna jáne kóp qabatty turǵyn úılerdiń balkondaryna – 36, Arys qalasy – Batyrlar alańy, Áıteke bı kóshesi №66 kóp qabatty turǵyn úı – 16, Kentaý qalasy – kóp qabatty turǵyn úılerdiń balkondaryna – 16, Saryaǵash qalasy – Saryaǵash aýdandyq mádenıet úıiniń syrtqy alańy men kóp qabatty turǵyn úılerdiń balkondaryna – 70, Leńgir qalasy – kóp qabatty turǵyn úı men ortalyq alańdarǵa (4 ǵımarat) – 30, Shardara qalasy – kóp qabatty turǵyn úıdiń terezelerine – 16, Jetisaı qalasy – kóp qabatty turǵyn úıdiń terezelerine 16 memlekettik tý ilindi.
Sondaı-aq arnaıy heshtegpen áleýmettik jelilerde jazbalar, azamattardyń memlekettik týmen túsken fotolary men beınerolıkteri jarııalanyp, aksııa halyqtyq sıpatta jalǵasyn tapty.
