Qatysýshylar suıytylǵan munaı gazyna gaz jelisi uıymdarynyń shekteýli sheńberi tómen baǵalar boıynsha qol jetkizetinin, bul básekelestikti damytý qaǵıdasyn burmalaıtynyn jáne suıytylǵan gaz óndirisiniń ınvestısııalyq tartymdylyǵyn tómendetetinin jetkizdi. Iаǵnı baǵany memlekettik retteý júıesinen tek gaz jelisi uıymdary ǵana utady.
– Suıytylǵan munaı gazynyń elektrondy saýdasyn jetildirý aıasynda jergilikti naryq sheńberindegi saýdadan básekelestikti keńeıtýge járdemdesetin neǵurlym iri óńirlik naryqtarǵa kóshýdi usynamyn. Sondaı-aq ashyqtyqty arttyrý úshin tikeleı óńirlerde elektrondy saýdany uıymdastyrý jekelegen oblystar deńgeıinde tapshylyqtyń týyndaýy boıynsha táýekelderdi tómendetýge múmkindik beredi. Monopolııaǵa qarsy organnyń atyna Kedergiler jónindegi keńestiń óziniń monopolııaǵa qarsy jumsaq saıasatyn jetildirý turǵysyndaǵy usynystarynyń biri monopolııaǵa qarsy komplaens ınstıtýtyn engizý bolýy múmkin, – dedi «ETS taýar bırjasy» AQ Nur-Sultan qalasy boıynsha fılıalynyń dırektory Nurjan Begalın.
Kedergiler jónindegi keńes salany retteýdiń qoldanystaǵy oń tetigin jetildirý, naryqty yryqtandyrýǵa, onyń ishinde 2022 jylǵa deıin suıytylǵan munaı gazy saýda-sattyǵyna tolyq kóshý jáne gaz jelisi uıymdaryn akkredıtteý ınstıtýtyn joıý jóninde usynymdar ázirledi. Qazir agenttiktiń óńirlik bólimsheleri Batys Qazaqstan, Soltústik Qazaqstan, Pavlodar, Qostanaı, Qaraǵandy oblystarynda 10 gaz jelisi uıymyna qatysty tekserý júrgizip jatyr. Budan basqa, óńirlik bólimsheler kólemderdi bólý kezinde ákimdikterdiń is-áreketterine shaǵymdardy jyl saıyn qaraıdy.
