Qalalyq Densaýlyq saqtaý basqarmasynan málim etkendeı, bul, jyl basynan beri Shymkentte dúnıege kelgen altynshy úshem.
«Leıla, Leısan jáne Lýıza esimdi sábılerdiń qazirgi jaǵdaıy qalypty. Jas ana qarashanyń 25-si kúni 35 aptalyq kezinde ota tásilimen týdy. Operasııany Perınataldy ortalyqtyń bilikti akýsher-gınekology Saýle Dúısenbaeva jasady. Nárestelerdiń týǵandaǵy salmaqtary 1490-2490 gramm boldy», dedi basqarmadan.
Bosanǵan áıel men úshem 20 kún boıy qalalyq Perınataldy ortalyqta dárigerlerdiń baqylaýynda bolǵan. Densaýlyq jaǵdaılary jaqsarǵan soń, olar keshe úılerine shyǵaryldy.
