Jol-kólik oqıǵasynyń vıdeosy áleýmettik jelilerde tarady. Oqıǵa 19 jeltoqsan kúni Júrgenev pen Jangeldın kósheleriniń qıylysynda boldy.
«Lada Granta avtokóliginiń júrgizýshisi Júrgenev kóshesi boıymen shyǵys baǵytta kele jatyp Jangeldın kóshesiniń qıylysyndaǵy jol belgisin elemeı, ońtústik baǵytta kele jatqan Yutong markaly avtobýsymen soqtyǵysty. Jol-kólik oqıǵasy saldarynan avtokóliktiń júrgizýshisi jáne onyń úsh jolaýshysy, sonymen qatar avtobýstyń eki jolaýshysy jaraqat aldy», dedi Almaty qalasy Polısııa departamentiniń tergeý basqarmasynyń bastyǵy Oljas Sháripov.
Fakt sotqa deıingi tergep-tekserýdiń biryńǵaı tizilimine QR Qylmystyq kodeksiniń 345-baby, 2-bólimi (Abaısyzda adam densaýlyǵyna aýyr zııan keltirgen jol qozǵalysy erejelerin buzý) boıynsha tirkeldi. Tıisti saraptamalar taǵaıyndaldy.
