Ýchaskelik polısııa ınspektorlary oblys ortalyǵynda jalǵa beriletin 1800-ge jýyq páterdi tekserip, salyq organdaryna tirkelmegen 500-den astam páter ıelerin anyqtady. Sondaı-aq túngi tynyshtyqty buzǵan 1500-den astam tulǵa QR Ákimshilik quqyqbuzýshylyq týraly Kodeksiniń 437-babymen jaýapkershilikke tartyldy.
«Páterlerdi táýlikke, saǵatqa jalǵa alýshylardyń túngi tynyshtyqty buzatyny týraly jergilikti turǵyndardyń tarapynan shaǵym kóp túsedi. Atyraý qalasynyń SMP shaǵyn aýdanynda ornalasqan kóp qabatty úılerdiń birinde turatyn 33 jastaǵy azamat kórshileriniń túngi tynyshtyqty buzǵany jóninde polısııaǵa habar berdi. Tekserý kezinde páterdi táýlikke jalǵa alǵan 4 azamatsha anyqtaldy. Olarǵa qatysty QR Ákimshilik quqyqbuzýshylyq týraly Kodeksiniń 437-babymen (Saǵat túngi 22:00-den tańǵy 9:00-ge deıin tynyshtyqty buzý) ákimshilik hattama toltyrylyp, árqaısysyna 5 aılyq eseptik kórsetkish kóleminde aıyppul salyndy», dep habarlady oblystyq polısııa departamentiniń baspasóz qyzmeti.
