20 jeltoqsanda Nur-Sultan qalasynda qar jaýady, burqasyn bolady, Aqmola, Qaraǵandy, Pavlodar, Soltústik Qazaqstan oblystarynda qar jaýady, keı jerlerde burqasyn bolady, tuman, soltústik, soltústik-batystan sekýndyna 15-20 metr jel soǵady. Daýyldyń oryn alý yqtımaldyǵy 85-90 %. 20 jeltoqsanǵa qaraǵan túni Túrkistan oblysy men Shymkent qalasynyń keı jerlerinde qatty jaýyn-shashyn (jańbyr, qar) bolady. Keı jerlerde tuman, kóktaıǵaq bolady, batystan, soltústik-batystan sekýndyna 15-20 metr jyldamdyqpen jel soǵady.
20 jeltoqsanda Mańǵystaý oblysynyń keı jerlerinde kóktaıǵaq, tuman kútiledi.
Azamattardy aýa-raıynyń ózgeristerin baqylaýǵa shaqyramyz. Daýyldy eskertý týraly habarlamalardy tyńdap, qajetti saqtyq sharalaryn saqtańyzdar.
Qys maýsymynda kólikpen alys joldarǵa shyqpas buryn, aýa raıy boljamyn mindetti túrde zerdelegen jón.
Eger qatty boran, burqasyn bolsa, jol keptelisinde uzaq turyp qalýyńyz múmkin. Tipti jol-kólik oqıǵasyna da tap bolýyńyz yqtımal.
Eger qandaı da bir eldi mekenge shuǵyl barýyńyz kerek bolsa, dittegen jerińizge kedergisiz jetý úshin temirjol kóligin paıdalanýǵa keńes beremiz.
Tómende keltirilgen qarapaıym usynymdardy oryndasańyz, boran bolǵan kezde jáne borannan keıin aman qalýǵa kóp septigin tıgizedi.
Qysta jolǵa shyǵar aldynda:
1. Muqııat aýa raıy boljamyn zerdeleńiz;
2. Qozǵalys úshin qandaı joldar jabylýy múmkin ekenin anyqtańyz.
Aqparatty «Qazavtojol» UK saıtynda tolyǵymen jabyq ýchaskelerdiń kartasyn kórýge bolady. Ne bolmasa biryńǵaı telefon nómiri 1403 nemese qutqarý qyzmetiniń «112» telefon nómiri, sondaı-aq «Dármen» mobıldi qosymshasy arqyly naqtylaýǵa bolady.
«112» qyzmetinen resmı daýyldy eskertý alǵan jaǵdaıda eldi mekenderden jáne jolǵa shyǵýdan bas tarta turý qajet.
Shuǵyl qyzmetter avtomobılderdi lektik ilesip júrýge sheshim qabyldaǵan jaǵdaıda:
- jol qozǵalysy erejelerin saqtańyz;
- ilesip júretin shuǵyl qyzmet belgilegen jyldamdyq rejımin saqtańyz;
- ótkizý pýnktinen shyqqan avtomobıldiń artynan ilesińiz jáne ony basyp ozbańyz;
- aldynda kele jatqan avtomobıldiń arasyndaǵy qashyqtyqty saqtańyz;
- aldynda ketip bara jatqan avtomobılderdi basyp ozýǵa bolmaıdy;
- aınalańdaǵy qozǵalysqa úlken mán berińiz.
