Joǵarydaǵy aqparatty aıtýly jarysty uıymdastyrýshylar ózderiniń resmı saıtynda jarııa etip otyr. «Kúlli álemdi jaılaǵan pandemııa kóptegen qolaısyzdyq týyndatyp otyrǵanyna qaramastan, biz júlde qoryn byltyrǵy mólsherden tómendetpeýge barynsha kúsh saldyq. Sonymen qosa taǵy bir jaqsy jańalyǵymyz bar. Máselen, 2021 jyly ótetin týrnırde alǵashqy aınalymda súringen tennısshilerdiń árqaısysyna 76 myń dollardan tabys etiledi. Bul – buryn-sońdy bolmaǵan rekordtyq soma jáne de irikteý týrnırine qatysatyndardyń da syıaqy mólsheri kóbeıedi. Bul – álemdik reıtıngte tómengi oryndarǵa jaıǵasqan oıynshylardy qoldaý maqsatynda qolǵa alynyp otyrǵan shara» delingen saıtta.
Esterińizge sala keteıik, Aýstralııanyń ashyq birinshiligi 1905 jyldan beri uıymdastyrylyp keledi. Bıylǵy jarysta erler arasynda serbııalyq Novak Djokovıch jeńimpaz atansa, áıelder saıysynda amerıkalyq Sofııa Kenınge teń keler eshkim bolmady.
