ER ESIMI ELORDA TО́RINDE TURSA...

Uly Otan soǵysyna qatys­qan qazaq halqynyń erjúrek uldary tarıhta óshpesteı iz qaldyryp, ur­paqqa úlgi eter­likteı erlik kórsetti. Sonyń biri basqa erlikterimen qatar, Berlın qalasyndaǵy Reıhs­tagqa tý tikken Raqymjan Qoshqar­baev bolatyn. Biraq qıturqy saıasattyń kesirinen bul batyr uzaq ýaqyt eleýsiz atalyp keldi. Elba­symyz osy olqylyqty eskerip, R. Qoshqarbaevqa  Ha­lyq Qaharmany ataǵyn ber­gende soǵys ardagerleri de, ha­lyq ta bir kóterilip qalǵan  edi. Endigi kezekte erlerimizdi ulyqtap, tarıhtaǵy ádiletti ornyn belgileý, olardyń asyl qasıeti – týǵan eline, jerine degen súıis­penshiligin, Otanyn janqııarlyq sezimmen qorǵaýyn dáriptep, jas­tardyń ulttyq sana-sezimin oıatýǵa jaǵdaı jasaý mindeti tur. Sol sebepti batyrdyń týǵan jeri Astana qalasynyń mańy bolǵandyqtan jáne Uly Jeńistiń 65 jyldy­ǵyna oraı surapyl soǵysta jaýdyń jaýyp turǵan oǵyna qaramaı, Reıhstagqa birinshi bolyp tý tikken batyr atamyz­dyń  qurmetine birqatar naqty is-sharalar júzege asqany jón dep esepteımin. Atap aıtqanda, Astana qa­lasy­nyń bir basty kóshesine batyr ataýyn berse, batyr mu­ralaryna arnap murajaı ashyl­sa, eskertkishi ornatylsa, eldik paryzymyzdyń oryndalǵany bolar edi. Osy másele boıynsha Astana qalasynyń soǵys jáne eńbek ardagerleriniń atynan hat kelip tústi. Bul sharalardyń elimizdiń álemdik tarıhqa qosqan úlesin belgilep, qoǵamymyzdyń ári qaraı damýyna, keleshek urpaq­tyń elge adal, patrıottyq se­zim­de ózine senimdi ári batyl bolyp ósýine kóp septigin tı­gizeri sózsiz. Atalǵan usynys­tardy Májilistiń bir top depýtaty Natalıa Gellert, Petr Dmıtrıenko, Sansyzbaı Esilov, Amanjol Jazın, Egor Kappel qoldap otyr. Jeksenbaı DÚISEBAEV, Parlament Májilisiniń depýtaty.