Kásiporyn álemdegi asa iri avtobýs óndirýshi «Yutong» kompanııasymen seriktestikte qurylǵan. Jobanyń quny shamamen 23 mlrd teńgeni quraıdy, myńnan astam jańa jumys orny qurylady. Jyldyq jobalyq qýaty – 1200 avtobýs pen elektrobýs, sondaı-aq 500 birlik arnaıy tehnıka.
Zaýytta birneshe óndiristik sıkldardy: dánekerleýdi, boıaýdy, quraýyshtardy shyǵarýdy, zertteý ortalyǵyn, sondaı-aq tehnıkany synaý jáne tekserýge arnalǵan trekti iske qosý qarastyrylǵan.
«Yutong» markaly avtobýstar barlyq kontınentte 30-dan astam elde paıdalanylady. Tehnıka qoǵamdyq tasymaldaý salasyndaǵy barlyq álemdik sapa standarttaryna sáıkes keledi. Avtobýstar múmkindigi shekteýli jandarǵa arnalǵan arnaıy pandýstarmen, oryndarmen, elektrondy bılet berý jáne baqylaý júıesimen jabdyqtalǵan.
Jańa joba Qaraǵandy oblysynyń ekonomıkasynyń damýyna jáne otandyq avtobýstarmen qoǵamdyq kólikti jańartý jáne jańǵyrtý baǵdarlamasyn iske asyrýǵa serpin beredi.
Úkimet basshysyna Saran qalasyndaǵy ındýstrııalyq aımaqty odan ári damytý perspektıvasy, sondaı-aq «Ońaı» elektrondy bılettendirý júıesi týraly baıandaldy.
Jumys sapary aıasynda Úkimet basshysy sonymen qatar TMD-daǵy birden-bir «Caterpillar» markaly arnaıy tehnıka servısiniń jáne aýyr tehnıka komponentterin qalpyna keltirýdiń tolyq sıkli bar «Borýsan Makına Qazaqstan» JShS-ynda boldy.
