Alaıda saqtandyrý mártebesin alý úshin «Saqtandyry» aqparattyq júıesine jaldamaly qyzmetkerlerdiń derekterin engizý kerek. Qazir bul jumystar tolyqtaı aıaqtalyp qaldy. Bul týraly óńirlik kommýnıkasııalar qyzmetinde «Áleýmettik medısınalyq saqtandyrý qory» KEAQ Qyzylorda oblysy boıynsha fılıalynyń dırektory Baqyt Ismahanbetov málimdedi.
«Saqtandyrylmaǵandardyń arasynda Úkimet qaýlysyna sáıkes 2021 jyldyń 1 qańtaryna deıin jarnalar men aýdarymdar tóleýden bosatylǵan shaǵyn jáne orta bıznes sýbektileriniń qyzmetkerleri bolýy múmkin. Jarnalardyń bolmaýyna qaramastan, mundaı qyzmetkerlerdi saqtandyrý úshin jumys berýshiler msb.fms.kz veb-saıtyna qyzmetkerler týraly málimetterdi engizýi kerek, ıaǵnı olardyń mártebesin saqtaýy kerek. Aldaǵy ýaqytta bul qyzmetkerler MÁMS júıesindegi barlyq qyzmet túrlerin erkin ala alady», dedi Baqyt Torǵaıbaıuly.
11 aıdyń qorytyndysy boıynsha TMKKK jáne MÁMS paketteri sheńberinde kórsetilgen medısınalyq qyzmetter úshin 55 340 741,8 myń teńge, ıaǵnı jyldyq kólemniń 82 paıyzy tólendi. Sonymen qatar, shyǵystardyń basym bóligi stasıonarlyq medısınalyq kómekke jumsalǵan. Bıylǵy jyly josparly túrde óńirdiń stasıonarlarynda 71 588 adam emdeldi.
О́ńirde 2021 jylǵa arnalǵan medısınalyq qyzmetterdi satyp alý bıýdjeti 65,6 mlrd teńgege bolyp otyr. Onyń 42,8 mlrd teńgesi tegin medısısnalyq kómektiń kepildi kólemi aıasynda, 22,8 mlrd teńgesi MÁMS paketinde. Pasıentke medısınalyq kómek kórsetýden bas tartylsa nemese tıisti túrde kórsetilmese, onda 1406 nómiri, «Qoldau - 24\7» mobıldi qosymshasy nemese «SaqtandyruBot» Telegram-bot boıynsha habarlasý qajet. Qordyń mamandary men sarapshylary jedel jaýap berip, qajetti kómek kórsetedi.
