Maqsatty jedel-izdestirý sharalaryn júrgizý kezinde Almaty qalasynda «gashısh» esirtkisin satýmen jáne taratýmen aınalysqan jeti adamnan turatyn top ustaldy.
«Bizdiń bólimniń qyzmetkerleri jedel-izdestirý sharalaryn júrgizý barysynda QR QK-niń 297-baby 3-bólimimen tirkelgen qylmystyq is sheńberinde A. esimdi azamattyń Almaty qalasynyń aýmaǵynda bola tura, esirtki zattardy zańsyz saqtaý jáne satý maqsatynda 2018 jyldyń qarashasynan 2020 jyldyń aqpanyna deıin uıymdasqan top quryp, oǵan jetekshilik etti», dep habarlady Almaty qalalyq PD Esirtki qylmystarymen kúres basqarmasynyń bastyǵy Erlan Almaǵambetov.
Atalǵan fakt boıynsha qylmystyq uıymnyń uıymdasqan tobyn qurý jáne basqarý, sondaı-aq olarǵa qatysý, qylmystyq isteri QR QQ-niń 262 babynyń 1 jáne 2 bóligi boıynsha tirkeldi.
Ustalǵandardan bir travmatıkalyq tapansha, bir tegis uńǵyly myltyq, jalpy salmaǵy 4 keli 868,38 gr bolatyn «gashısh» esirtki zaty tárkilendi.
Ustalǵan adamdarǵa qatysty myna baptar boıynsha qylmystyq is qozǵaldy:
- QK-niń 262-baby, 1.2-bóligi (Uıymdasqan qylmystyq top qurý jáne uıymdastyrý) – eki qylmystyq is;
- QR QK-niń 297-baby 1-3-bóligi (Esirtki satý) – 22 qylmystyq is;
- QR QK-niń 296-baby 4-bóligi (Esirtkini asa iri kólemde saqtaý) – eki qylmystyq is;
- QR QK-niń 287-baby, 2-bóligi (Atys qarýyn zańsyz saqtaý) – eki qylmystyq is;
- QR QK-niń 302-baby 2-bóligi (Esirtki jasaıtyn jerdi ustaý) – bir qylmystyq is.
