Is-shara jańa tehnologııaǵa júginip Qazaqstan, Qyrǵyzstan, О́zbekstan, Reseı boıynsha taýarlardy jetkizýmen aınalysatyn KBT Store kompanııasynda ótti. Kompanııada 18-35 jas aralyǵyndaǵy 1200 adam jumys isteıdi. Kásiporyndy «100 jańa esim» baıqaýynyń jeńimpazy, Májilis depýtattyǵyna kandıdat, aqjoldyq Azat Sembınov basqarady.
О́z sózinde Azat Perýashev «Aq jol» partııasynyń qurdastaryn alǵash ret saılaýda daýys berý quqyǵyna ıe bolýymen quttyqtady.
Partııa kóshbasshysy saılaýaldy baǵdarlama týraly aıtyp, bıznesti qoldaý jáne áleýmettik ádilettilik bólimderine erekshe toqtaldy.
«Aq jol» partııasy Qazaqstandy múmkindikter memleketine aınaldyrýǵa umtylýda. Qazaqstanda ómir súrý jáne jumys isteý, otanymyzda júrip damý perspektıvalary jastarymyz úshin kez kelgen basqa elderge qaraǵanda áldeqaıda tartymdy bolýy tıis», dedi A.Perýashev.
Ol óz sózinde partııanyń jastardy qoldaý jónindegi bastamalaryna erekshe nazar aýdardy. Atap aıtqanda, «Aq joldyń» otbasylardyń ıpotekalaryn sýbsıdııalaý, aýyldarǵa qoljetimdi sport keshenderiniń qajettiligi, balalar men jastarǵa arnalǵan tegin sport seksııalary, jumysshy jastarǵa arnalǵan qoljetimdi turǵyn úı salý týraly usynystaryn alǵa tartty.
Partııa basshysy jastardy árbir kezekti balanyń dúnıege kelýin kezeń-kezeńimen yntalandyrý kerek degen pikirde. «Aq jol» partııasy birinshi bala týǵan kezde jáne odan ári árbir kelesi bala týǵanda 25%-ǵa sýbsıdııalap, 4-shi bala dúnıege kelgende otbasynyń ıpotekasyn 0%-ǵa deıin tómendete otyryp, kóp balaly otbasy sanatyna aýystyrýdy 2012 jyldan bastap kóterip keledi.
Kezdesýde qalalarǵa kóshetin aýyl jastaryn qoldaý úshin ákimdikterdiń shaǵyn óndiristerge, bilim berý mekemelerine jáne áleýmettik ınfraqurylymǵa arnalǵan úı-jaılary bar yqsham áleýmettik turǵyn úılerdi jappaı salynýy máselesi de aıtyldy.
– Mundaı turǵyn úı qarapaıym jáne arzan bolýy kerek, sondyqtan jastar qalada beıimdelip, bilim alyp, jumys isteı bastaıdy, aıaqqa turyp, ózderine yńǵaıly jaǵdaı jasaýǵa múmkindik alady, – deıdi partııa tóraǵasy Azat Perýashev.
Kezdesý barysynda Qazaqstannyń bolashaǵy jastardy qoldaý búginimiz ben erteńimiz úshin óte mańyzdy másele ekeni keńinen sóz boldy.
О́z kezeginde jıynǵa qatysýshy jastar da tolǵandyrǵan saýaldaryn qoıdy.
Osyǵan deıin óńirlerdegi kásipkerler men óndiris oryndaryn aralaǵan «Aq jol» partııasynyń saılaýaldy úgit-nasıhat toby elordalyq jastardy nazarǵa aldy.
