Jambyl óńirinde kórsetkishter qandaı deńgeıde?

Oblystyq ishki saıasat basqarmasy basshysynyń orynbasary Maqpal Do­sym­­bekova Memleket basshysynyń qol­daýymen óńirde «Beıbitshilik pen keli­sim» jobasy júzege asyrylýda ekenin, turǵyndardyń narazylyǵyn týdyrýy múmkin ózekti máselelerdi eskere otyryp, qaýip-qaterler karta­sy ázirlengenin, «Asarlatyp úı salý» jobasy aıasynda 123 úıdiń qury­lysy bastalyp, búgingi tań­da 60 úıdiń kilti tabystalǵanyn, al «Úl­gili aýyl» baıqaýyna 13 aýyl qatys­­qanyn baıandady. Sonymen qatar­ oblystyq dene shynyqtyrý jáne sport basqarmasynyń basshysy Nur­bol Júnisbekovtiń aıtýynsha, bıyl atal­ǵan salany damytýǵa 5,8 mıllıard teń­ge bólingen. Sport­­pen júıeli shuǵyl­dana­tyn jam­byldyqtardyń sany 359,3 myń adam­dy quraıdy. Bul oraıda, oblys tur­­ǵyndary úshin qoljetimdi 2 590 sport nysany jumys istep tur. Sport­­tyń ár túri boıynsha elimizdiń ult­tyq quramasyna 1 121 jam­byl­dyq sportshy engen. Bas­qarma bas­shysy bir jattyqtyrýshyǵa Qa­zaq­­stan­ Respýblıkasynyń eńbek sińir­gen jat­tyqtyrýshysy, 42 sport­shyǵa elimiz­diń sport sheberi, eki sport­shyǵa halyq­aralyq dárejedegi sport sheberi, bir mamanǵa ulttyq sport túrleri boıynsha sport she­beri ataǵy berilgenin jetkizdi. Al 23 maman joǵary sanattaǵy jat­tyqtyrýshy atanǵan. Sondaı-aq Tokıo Olımpıadasyna joldama al­ǵan dzıýdoshy Eldos Smetov, erkin kú­res sheberi Álisher Erǵalı, boksshy Ábil­han Amanqul óńir maqtanyshy ekenin de atap ótti.

Oblystyq máde­nıet, arhıvter jáne qujattama bas­qar­masy basshysynyń mindetin atqa­rýshy Sara Mádıeva bıyl oblystyń mádenıet salasyna 7,1 mıl­lıard teńge, al «Jumyspen qamtýdyń jol kartasy-2020» baǵdar­lamasy aıasynda 499,4 mıllıon teńge ıgerilýde ekenin aıtty. «Aýyl – el besigi» baǵ­darlamasy boıynsha jalpy kó­lemi 660 mıllıon teńgege úsh máde­nı nysannyń qurylysy júzege asy­­rylýda. Al «Sıfrly Qa­zaq­stan» keshendi baǵdarlamasy sheń­berinde 139 aýyldyq okrýgte kitaphanalar janynan 202 sıfr­landyrylǵan aqparattyq jáne kovorkıng ortalyqtary ashylǵan. Ka­rantın talaptarynyń engizilýine baı­lanysty bıylǵy naýryz aıynan bastap onlaın rejimde 10 444 is-shara uıym­dastyrylǵan. О́z sózinde oblystyq din isteri basqarmasynyń basshysy Jangeldi Omarov óńirde 358 dinı birlestik pen fılıal, 312 meshit jáne 46 shirkeý jumys isteıtinin habarlady. Qazir kóptegen adamdar óz pikirlerin áleýmettik jeli arqyly bildirýde. Kóptegen syndar aıtylýda. Olardiki oryndy. Alaıda turǵyndar kóbine aımaqta júzege asyp jatqan aýqymdy sharalar týraly bile ber­meıdi. Sondyqtan ishki saıasat bas­qarmasy áleýmettik jelilermen ju­mys isteýi tıis. Sonymen qa­tar úki­mettik emes uıymdardyń qyz­metin baqylaýǵa alý qajet. Olar­ǵa jetkilikti deńgeıde qarajat bó­linýde. Jumys ta soǵan saı bolýy kerek. Nege oblystyq fılarmonııa aýyl­darǵa baryp, aýyl turǵyndaryna óner kórsetpeıdi? Osyǵan nazar aýda­rýyńyzdy suraımyn», dedi B.Saparbaev.

Jalpy, aǵymdaǵy jyldyń 11 aıy­nyń qorytyndysy boıynsha Jambyl oblysy joǵary áleýmettik-ekonomıkalyq kórsetkishterge qol jetkizip otyr. О́ńir­degi ónerkásip, aýyl sharýashylyǵy, qurylys, saýda, kólik jáne baılanys sekildi alty negizgi salanyń damý dınamıkasy aıryqsha mańyzdy. Oblystyq ekonomıka jáne bıýdjettik josparlaý basqarmasynyń basshysy Gúldana Jaýynbekovanyń aıtýynsha, onyń qysqamerzimdi ekonomıkalyq ın­dı­katory 102,5 paıyzdy quraǵan. Sondaı-aq ol el Úkimeti men oblys ákimi ara­syndaǵy memorandýmda bel­gilengen ındıkatorlardyń oryndalýy týraly baıandap, búgingi tańda 22 ındıkatordyń 18-ine qol jetkizilse, bireýiniń asyra oryndalǵanyn aıtty. Al 3 ındıkatorǵa qol jetkizilmegen. О́ner­kásip ónimderiniń eksporty men negizgi kapıtalǵa salynǵan ınvestısııalardyń ósý kórsetkishteri tómen. Al úshinshi ındıkatordyń oryn­dalmaýyna ana ólimi áser etken. О́t­ken kezeńde oblystyq bıýdjettiń at­qarylýy kirister bo­ıynsha 102 paıyzdy qurap, salyqtyq túsimder 110,3 paıyzǵa qamtamasyz etildi. Bul rette oblys bo­ıynsha bıýdjet qarajatyn ıgerý 99,4 paıyz­dy quraǵan. Oblystyq qarjy basqarma­synyń basshysy Roza Isaeva búgingi tań­da ıgerilmegen 2 mıllıard 493 mıl­lıon teńge qalyp otyrǵanyn, osy oraıda Shý aýdanynyń jumysy baıaý ekenin, onda ıgerilmegen bıýdjet qarajatynyń kólemi 329,7 mıl­lıon teńgeni qurap otyrǵanyn jet­kizdi. Al aldyn ala esepteýler boıynsha oblystyq densaýlyq saq­taý basqarmasynda 364 mıl­lıon teń­geden astam qarajat ıgerilmeı qa­lý yq­tımaldylyǵy da aıtyldy. Bul tizimge Taraz qalasy, Baızaq aýdany men oblystyq kásipkerlik jáne ın­dýstrıaldy-ınnovasııalyq damytý basqarmasy da enedi. Bul oraıda, B.Saparbaev Taraz qalasy men aýdan ákimderine bólingen bıýdjet qarajatyn ıgerýge jáne 2020 jylǵa belgilengen mindettemelerdi oryndaýǵa bar kúsh-jigerin salýdy tapsyrdy. Sondaı-aq oblys ákimi koronavırýs boıynsha jaǵ­daı áli de alańdatarlyq kúıde ekenin atap ótti. О́ńirdegi bas dárigerlerge tur­ǵyn­dar sapaly medısınalyq qyzmet alýy úshin basqa elge sabylmaýy kerek­tigin eskertti.

B.Saparbaev oblystyq perına­tal­dyq ortalyqta ótken kezdesýge de qatysyp, densaýlyq saqtaý sala­syn­daǵy jaǵdaımen tanys­ty. Oblystyq den­saýlyq saqtaý bas­qarmasynyń basshysy Áset Qalıev­tiń aıtýynsha, atalǵan salany da­mytýǵa 90 mıl­lıard teńgeden as­tam qarajat bólingen. Oblystyq kóp­­beıindi aýrýhananyń bazasynda durys tamaqtaný ortalyǵy, kóp­beıindi balalar aýrýhanasy bazasynda «Qamqorlyq» ońaltý ortalyǵy ashyl­ǵan. Jedel járdem mashınalary GPS navıgasııasymen jabdyqtalǵan. Sondaı-aq 18 reanımobıl, 8 jyljymaly medısınalyq keshen jáne 70 sanıtarlyq avtomobıl satyp alynyp, 1 069 079 turǵynnyń elektrondy densaýlyq pasporty rásimdelgen. «Jumyspen qamtýdyń jol kartasy» baǵdarlamasy aıasynda 10 densaýlyq saqtaý nysany kúrdeli jóndeýden, 4 nysan aǵymdaǵy jóndeýden ótken. Alaıda ókinishke qaraı, ana ólimi, on­kologııalyq aýrýlardan bolatyn ólim-jitim kórsetkishi artqan. Bul rette ákim dárigerler júkti áıel­derdiń esebin júrgizip, olardyń ýaq­tyly tekserýden ótýin qadaǵalaý keregin tapsyrdy. Sonymen qatar búginde jalpy 4 myńnan astam tósektik oryn ázirlenip, dári-dármektiń eki aılyq qory jasaqtalǵan. Jaz aıymen salystyrǵanda qazir medı­sınalyq jabdyqtardyń sany artty. Alaı­da medısına mamandardyń jetis­peý­shiligi sóz boldy. Oblysqa 194 jas maman kelse, onyń 76-sy Taraz qala­synda, 118-i aýdandarda jumysqa or­nalasqan. 98 mamanǵa áleýmettik kómek kórsetilip, olardyń 15-i tur­ǵyn úımen qamtamasyz etilgen. Ma­mandar máselesin sheshý úshin Taraz qalalyq kópsalaly aýrýhana bazasynda S.Asfendııarov atyndaǵy Qazaq ulttyq medısınalyq ýnıversıtetiniń fılıaly ashylatyn boldy. Al keler jyly onkologııalyq ortalyq ashy­lady. Onyń janynan memleket-jeke­menshik áriptestik aıasynda kóp­salaly aýrýhana salynady. B.Saparbaev basqa óńirlerdiń táji­­rıbesin negizge alyp, muǵa­limder men dárigerlerdi turǵyn úı­men qamtamasyz etý júzege asyrylatynyn, Memleket basshysynyń tap­syrmasyna sáıkes, medısına qyz­metkerleriniń jalaqysyn kezeń-kezeńimen arttyrý josparlanýda eke­nin atap ótti. Sondaı-aq barlyq qabyldanyp jatqan qoldaý sharalaryna qaramastan, densaýlyq saqtaý salasynyń qazirgi jaı-kúıi kóńil kónshitpeıtinin basa aıtty.

Jambyl oblysy