Batys Qazaqstan oblysy turǵyndarynyń 20 paıyzyn jastar quraıdy. Iаǵnı óńirde 14 pen 29 jas aralyǵynda 128 527 jas bar.
Jastardyń jumyspen qamtylýy, paıdaly iske tartylýy – árdaıym basty nazarda. Máselen, bıyl oblysta memlekettik áleýmettik tapsyrys aıasynda 46 jobany iske asyrýǵa 185 mln teńge bólindi. О́ńirde esh jerde oqymaıtyn, jumys istemeıtin, ıaǵnı NEET jastarynyń úlesi 2020 jyldyń III toqsanynda nebári – 2,8% bolǵan eken. Bul respýblıka boıynsha eń tómengi kórsetkish.
Bıyl elimizde jarııalanǵan «Eriktiler jylynda» batysqazaqstandyq jastar da belsendi boldy. Oblysta 10 myńnan astam volonter bas qosqan 60-qa jýyq uıym bar. Bul uıymdardyń qyzmeti volunteer07.kz aqparattyq saıty aıasynda úılestirilgen.
- Volonterlardyń kúshimen bıyl oblys boıynsha barlyǵy 19 412 otbasyna azyq-túlik, dári-dármek jáne basqa da túrde kómek kórsetildi. Onyń ishinde 12694 otbasy tegin azyq-túlikpen, 478 otbasy dári-dármekpen qamtyldy, 1047 otbasynyń úı jumystaryna kómektestik. Qoǵamdyq qaýipsizdikti qamtamasyz etý maqsatynda volonterlarquqyq qorǵaý organdarymen birge 1206 márte reıdke shyqty. Eriktilerdiń kúshimen 80 myń beperde qoldan tigilip, barlyǵy 350 myń betperde halyqqa tegin taratyldy, - deıdi Nurhat Orash.
Sondaı-aq «Jasyl el» baǵdarlamasy boıynsha bıyl 1175 sarbaz, stýdenttik qurylys jasaqtary quramynda 371 jas maýsymdyq jumyspen qamtylǵan.
Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda batysqazaqstandyq 6207 jas jumysqa ornalasqan eken. Buǵan qosa, 98 jas jeke kásipkerlikke boı uryp, nesıe alsa, 517 jas jańa bıznes-ıdeıalardy iske asyrýǵa qaıtarymsyz negizde grantqa ıe bolǵan.
Bıyl «Dıplommen aýylǵa» baǵdarlamasy boıynsha 818 maman aýyldyq jerge jumysqa tartylyp, 224,4 mln teńge kóleminde kóterme járdemaqy alǵan eken. Sonyń ishinde 555 mamanǵa 2,154 mlrd teńge kóleminde baspana nesıesi berilgen.
Batys Qazaqstan
