«Jańa zaýyt ónimderindegi qazaqstandyq qamtý úlesi 100% quraıtyny óte mańyzdy faktor. Álemdik joǵary sapa talaptaryna sáıkes keletin óndiriletin ónim tolyǵymen eksportqa baǵdarlanatyn bolady. Negizgi tutynýshylar AQSh, Eýropa, Japonııa, Koreıa, Túrkııa jáne TMD elderi bolady. Osyǵan baılanysty, atalǵan jobany iske asyrý elimizdiń eksporttyq áleýetin arttyryp qana qoımaı, ulttyq ekonomıkanyń damýyna úles qosady. Bul jobanyń biregeıligi zaýyt ekologııalyq taza bolatyndyǵynda. О́ndiris prosesinde munda aýany lastamaıtyn gaz tazalaý júıesi qoldanylady. Qaldyqtardyń paıda bolýyn azaıtý jáne olardy qaıta paıdalaný qaǵıdattarynyń arqasynda qorshaǵan ortaǵa barynsha az áser etedi. Zaýyt qurylysy kezeńinde 1000 - nan astam jumys orny qurylady, al qurylys aıaqtalǵannan keıin 400 otandasymyz turaqty jumyspen qamtamasyz etiledi. Bul rette «YDD Corporation» ferroqorytpa zaýyty mysalynda osyndaı zaýyttardy salý tájirıbemiz bar ekenin atap ótkim keledi», - dedi «Qaz Carbon» JShS quryltaıshysy Erlan Nyǵmatýlın.
Jańa zaýyttyń qurylysy sheńberinde ekonomıkany tehnologııalyq jańǵyrtý jáne ónerkásipti sıfrlandyrý ındýstrııasy 4.0 baǵdarlamasynyń barlyq parametrlerine sáıkes keletin álemdik tehnologııalyq ázirlemelerdi qoldaný jáne jańa jabdyqtardy ornatý josparlanyp jatyr. О́ndiris prosesi tolyǵymen avtomattandyrylady.
«Qaraǵandyda jańa ferroqorytpa zaýytyn tabysty iske asyrý Qazaqstannyń metallýrgııa ónerkásibin damytýdyń úlgisi ǵana emes, eldiń ınvestısııalyq tartymdylyǵynyń joǵary kórsetkishi. Memleket tarapynan ınvestorlar úshin naqty oılastyrylǵan fýnksıonaldyq servıs osyndaı jobalardy iske asyrýǵa qosymsha umtylys beredi. Jańa ferroqorytpa zaýytynyń ónimderi de álemdik naryqta suranysqa ıe bolady dep nyq senimmen aıta alamyz. О́nim tek qazaqstandyq qana emes, sonymen qatar sapa salasyndaǵy barlyq álemdik ólshemderge sáıkes keledi», - dep aıtyp ótti «Qaz Carbon» JShS sheteldik quryltaıshysy Davıd Kemertelıdze.
Osyndaı aýqymdy jobany iske asyrý eldiń óńdeý ónerkásibin damytýǵa baǵyttalý el Prezıdentiniń ınvestısııalardy tartýǵa jáne osy saladaǵy eńbek ónimdiligin arttyrýǵa tikeleı tapsyrmalaryn oryndaýǵa yqpal etedi.
«Joba úsh negizgi baǵyt – ımportty almastyrý, eksporttyq áleýet jáne joǵary ónimdilik boıynsha bank mandatyna sáıkes keledi. Joba Qaraǵandy óńiriniń damýyna aıtarlyqtaı áleýmettik-ekonomıkalyq áser etedi jáne qazaqstandyq óńdeý sektorynyń damýyna yqpal etedi. Paıdalanýǵa berilgennen keıin joba 400-den astam turaqty jumys ornyn ashady. Kásiporyn qurylysy qorshaǵan ortaǵa teris áserdiń aldyn alatyn óndiriske úzdik halyqaralyq praktıkalar men standarttardy engizý boıynsha joǵary deńgeı qoıady. Sondyqtan men zaýyt pen fabrıka elimizdiń basqa da uqsas kásiporyndary úshin úlgi bolatynyna senimdimin», - dep atap ótti QDB Basqarma Tóraǵasy Abaı Sarqulov.
Esterińizge sala keteıik, bıyl shilde aıynda Damý Banki Qaraǵandy qalasynda Kómirdi baıytý jáne qoldanystaǵy quıý óndirisin jańǵyrtý boıynsha fabrıka qurylysyna 7 jyl merzimge 9,24 mlrd teńge somasyna «Qaz Carbon» JShS kredıttik jelisin ashty. Sol kezde jobanyń jalpy quny 12 mlrd teńge bolǵan. QDB qaryz qarajaty Qazaqstan Respýblıkasyn ındýstrııalyq-ınnovasııalyq damytýdyń 2015-2019 jyldarǵa arnalǵan memlekettik baǵdarlamasy sheńberinde berilgen.
