Almatylyq áriptesterinen kelip túsken baǵyt-baǵdar boıynsha Qyzylorda oblysy Polısııa departamentiniń jeke quramy qulaqtandyrylyp, dereý jedel izdestirý sharalary bastaldy. Kúni – túni júrgizilgen izdestirý jumystarynyń nátıjesinde ıývenaldy polıseıler 21 jeltoqsan kúni keshki saǵat 20:45 shamasynda Qyzylorda qalasy Jappasbaı batyr kóshesiniń boıynda jalǵyz júrgen bir balany baıqaıdy. Tekserý barysynda onyń izdeýde júrgen jasóspirim ekendigi belgili boldy.
Qyzylorda qalalyq Polısııa basqarmasy Jergilikti polısııa qyzmeti bóliminiń ıývenaldy polısııa bólimshesiniń ınspektory, polısııa aǵa leıtenanty Murat Baınazarov jasóspirimdi Qyzylorda oblystyq kámeletke tolmaǵandardy beıimdeý ortalyǵyna ornalastyrdy.
Qazirgi ýaqytta polıseıler joǵalǵan jasóspirimniń ata – anasymen habarlasyp, olardyń oblys ortalyǵyna kelýin kútýde. Buǵan qosa, bul oqıǵanyń sebepteri men mán-jaılary anyqtalýda.
