Elordada Dobro.qz eriktiler uıymy men elorda ákimdiginiń áıelder isteri jáne otbasylyq-demografııalyq saıasat jónindegi komıssııasynyń uıymdastyrýymen «Aıaz ata úıinde» atty jańa jyldyq qaıyrymdylyq merekesi ótip jatyr.
Is-sharaǵa ata-anasynyń qamqorlyǵynsyz qalǵan, kópbalaly, az qamtylǵan otbasylardan shyqqan jáne erekshe qajettilikteri bar balalar qatysady.
«Is-shara «30 ıgi is» aksııasy aıasynda ótkizilýde. Dobro.qz qoǵamdyq qorynyń bastamasyn Nur-Sultan qalasy ákimdiginiń janyndaǵy áıelder isteri jáne otbasylyq-demografııalyq saıasat jónindegi komıssııa qoldady. Balalarǵa arnalǵan arnaıy syılyqtarymyz da bar. Is-shara barlyq sanıtarlyq normalarǵa sáıkes ótkizilip jatyr», - deıdi Nur-Sultan qalasy ákimdigi janyndaǵy áıelder isteri jáne otbasylyq-demografııalyq saıasat jónindegi komıssııa hatshysy Móldir Bólebaeva.
Aksııaǵa barlyǵy 312 otbasynan 400-den astam erekshe qajettilikteri bar balalar qatysady. Sondaı-aq merekege ata-anasynyń qamqorlyǵynsyz qalǵan 100 bala, kóp balaly 112 bala jáne az qamtylǵan otbasylardyń 30 balasy qatysady.
«Karantın talaptaryn jáne barlyq sanıtarlyq normalardy saqtaı otyryp, 10-15 balaǵa deıin qatysa alady. Kún saıyn biz 80-100 balaǵa syılyq beremiz. Is-shara aıaqtalǵannan keıin keıbir balalar tipti úıine qaıtqysy kelmeı, shyrsha janynda otyryp alady. Erekshe qajettilikteri bar balany tárbıelep otyrǵan ana retinde men balalardyń qanshalyqty baqytty ekenin kórgenime óte qýanyshtymyn. Olardyń shynaıy kúlkilerin kórgende ózimdi baqytty sezinemin. О́zgelerge qanshalyqty kóp kómektessem, soǵurlym balamnyń saýyǵyp ketetinine senimdimin. Eriktilerge alǵysymdy bildirgim keledi, óıtkeni olar orasan zor eńbek etýde», - deıdi Dobro.qz eriktiler uıymynyń múshesi Botagóz Shynyqulova.
«Mereke balalarǵa óte unaıdy. Eriktiler men uıymdastyrýshylarǵa úlken rahmet. Men bul shara týraly «Baqytty shańyraq» qoǵamdyq qory arqyly bildim», - deıdi úsh balanyń anasy Aıym Saǵyndyq.
18 jeltoqsanda bastalǵan qaıyrymdylyq sharasy 26 jeltoqsanǵa deıin jalǵasady.
