Aımaqtar • 22 Jeltoqsan, 2020

Túrkistan oblysynda turmystyq tehnıkalar shyǵarylady

371 ret

kórsetildi

1 mın

oqý úshin

Artel kompanııasy Túrkistan oblysynda as úı plıtalaryn, qalyptaý buıymdaryn jáne elektr sý jylytqyshtaryn shyǵaratyn zaýyt salady. Eki kezeńde júzege asyrylatyn joba aıasynda 2 myńnan astam jumys ornyn ashý kózdelýde. Birinshi kezeńde, ıaǵnı 2021 jyldyń sońyna qaraı jyl saıynǵy qýaty 500 myń birlik turmystyq tehnıka – as úı plıtalary óndirisi iske qosylady. Ekinshi kezeń – 2022 jyldyń sońyna qaraı elektr sý jylytqyshtaryn óndirý josparlanǵan.

Ǵalymjan ELShIBAI

Jobany iske asyrýdy ınvestısııalar tartý jáne eksportty damytý jónindegi "Turkistan Invest" óńirlik agenttigi súıemeldeıdi. Ol "bir tereze" qaǵıdaty boıynsha júredi. Jobanyń quny - 85 mln AQSh dollaryn quraıdy. Bul derekter Túrkistan oblysy ákiminiń orynbasary Meıirjan Myrzalıev pen Artel kompanııasy tobynyń ókilderi kezdesýinde málim etildi. Sondaı-aq M.Myrzalıev seriktesterge óńirdiń ınvestısııalyq ahýaly, ekonomıkalyq múmkindikteri týraly aıtyp, ákimdik tarapynan jan-jaqty qoldaý kórsetiletinin jetkizdi. «Mundaı jobalardy iske asyrý Qazaqstan-О́zbekstan yntymaqtastyǵy men eki memlekettiń damýy úshin asa mańyzdy. Jobanyń iske qosylýy eldegi turmystyq tehnıkanyń ımportyn almastyrýǵa jáne "qarapaıym zattar ekonomıkasyn" damytýǵa qyzmet etedi», dedi M.Myrzalıev.

Túrkistan oblysy