Talaptarǵa sáıkes Qazaqstan azamattary Omanǵa kirý úshin shekaradan ótý kezinde qonaq úıdi brondaýdy rastaý, sapar merzimine medısınalyq saqtandyrý, qaıtý áýe bıleti, tólqujatynda AQSh, Aýstralııa, Kanada, Japonııa, Ulybrıtanııa nemese Shengen aımaǵynyń qoldanystaǵy vızasy bar pasportty kórsetýleri tıis. Elde vızasyz bolýdy uzartý qarastyrylmaǵanyn atap ótken jón, bul erejeni buzý árbir merzimi ótken kúnge 10 omandyq rıal (shamamen 26 AQSh doll.) mólsherinde aqshalaı aıyppul tóleýge ákelip soǵady.
Sonymen qatar, elde COVID-19 pandemııasynyń ary qaraı taralýyna jol bermeý maqsatynda 2020 jyldyń 21 jeltoqsanynda Oman Úkimeti 22 jeltoqsan kúni saǵat 01.00-den bastap 29 jeltoqsan kúni saǵat 00.59-ge deıin barlyq memlekettik shekaralardy (áýe, jer jáne teńiz) jabý týraly sheshim qabyldaǵanyn eskertemiz.
