Qazirgi ýaqytta Qazaqstanda sheteldik azamattyń tólqujatyn tirkeý talap etilmeıdi. Endi sheteldik azamatqa kóshi-qon qyzmetine barýǵa ýaqyt jumsaýdyń qajeti joq. Muny olardy qabyldaýshy tarap jasaıdy. Mysaly, kelý maqsatyna qaramastan, qonaq úıge ornalasqan sheteldik týraly osy qonaq úıdiń qyzmetkeri vmp.gov.kz portaly arqyly bir-eki mınýttyń ishinde habarlaı alady.
Qabyldaýshy tarap kelgen kóship kelýshiler týraly olar kelgen kúnnen bastap úsh jumys kúni ishinde, al jumys berýshi kásiporynǵa kelgeni týraly habarlaýǵa mindetti. Bul rette habarlama sheteldik azamattyń Qazaqstanǵa kelgeni týraly ǵana emes, turǵylyqty jerin aýystyrǵan nemese ózge oblysqa ketken kezde de jiberiledi.
16-19 jeltoqsan aralyǵynda kóshi-qon qyzmetiniń qyzmetkerleri ýchaskelik polısııa ınspektorlarymen birlesip, qonaq úıler, hostelder jáne jalǵa beriletin páterlerdiń ıelerimen kóshi-qon zańnamasyn túsindirý boıynsha reıdter ótkizdi. Reıdter barysynda 54 nysan qamtyldy, olardyń ıelerine býkletter taratylyp, túsindirý sıpatyndaǵy áńgimeler júrgizildi.
