О́nerkásip kásiporyndaryna 5,1 mln tonna kómir jóneltildi, sondaı-aq kommýnaldyq-turmystyq qajettilikterge jáne halyqqa 9,4 mln tonna kómir tıeldi. Kómir eksporty shamamen 26,4 mln tonnany qurady.
2020-2021 jyldardaǵy kezeńde kommýnaldyq-turmystyq qajettilikter jáne halyq úshin kómir ónimi qajettiliginiń qalyptasqan josparyna sáıkes tutyný kólemi shamamen 10 mln tonnany qurady, onyń ishinde kommýnaldyq-turmystyq sektorǵa shamamen 2,8 mln tonna, turǵyndarǵa – 7,2 mln tonna bolady.
2020 jylǵy 20 jeltoqsandaǵy jaǵdaı boıynsha kommýnaldyq-turmystyq sektor úshin kómir qorymen qamtamasyz etý 90,8% - dy, halyqty 97,1% - dy quraıdy.О́tken jylytý maýsymynyń osyndaı kezeńinde qamtamasyz etý: kommýnaldyq-turmystyq sektor 89,5%, turǵyndar 89,6% qurady.
Aqtóbe, Almaty, ShQO, Jambyl, BQO, Qaraǵandy, Qostanaı, Qyzylorda, Pavlodar oblystarynyń jáne Almaty men Shymkent qalalarynyń ákimdikteri kommýnaldyq-turmystyq sektor úshin kómir jetkizýdi tolyq qamtamasyz etti. Sondaı-aq BQO, Qyzylorda, Aqmola, Shyǵys Qazaqstan, Qostanaı oblystarynyń, Shymkent, Almaty jáne Nur-Sultan qalalarynyń ákimdikteri halyqqa kómir jetkizýdi tolyq qamtamasyz etti.
Ákimdikterdiń aqparaty boıynsha, óńirlerdegi halyq úshin kómirdiń baǵasy tonnasyna 6000 teńgeden 19000 teńgege deıin quraıdy.
Kommýnaldyq-turmystyq tutynýshylar jáne halyq úshin kómirdiń negizgi kólemi taýar bırjalary arqyly satylady. Kommýnaldyq-turmystyq qajettilik jáne halyq úshin kómir baǵasy kómir razreziniń jóneltý baǵasynan, tasymaldaýǵa ketken temir jol tarıfterinen, jyljymaly quramdy kútip-ustaý, kómirdiń bırjalyq qunynan, sondaı-aq halyqqa jetkizetin deldaldyq uıymdardyń jáne jeke tulǵalardyń marjasynan qalyptasady.
Kenishtiń bortyndaǵy baǵa tonnasyna 2800 teńgeden 8200 teńgege deıin quraıdy jáne kómir óndirý tehnologııasyna baılanysty. Eldiń energetıkalyq jáne ónerkásiptik kásiporyndaryna kómir tikeleı sharttar men razrezderdiń bosatý baǵalary boıynsha tıeledi.
