Jeke elektrondyq qujattardy saqtaý boıynsha «Sıfrlyq qujattar» servısi «eGov mobile» elektrondyq úkimet qosymshasynyń basty betinde ornalastyrylǵan. Stýdenttiń basqa da jeke qujattarymen birge elektrondy stýdenttik bıleti osy servıstiń ishinde qoljetimdi. Mobıldi qosymshany Google Play jáne AppStore arqyly júktep alýǵa bolady. Qosymshada ESQ nemese bir rettik qupııa sóz arqyly avtorızasııadan ótý qajet.
«Barlyq joǵary oqý oryndary men kolledjder qaǵaz túrindegi stýdenttik bıletterge qyrýar qarajat jumsaıdy. Ortasha eseppen árbir stýdenttik bılet 1000-1200 teńge turady. Stýdenttik jeńildikterdi paıdalaný barysynda qaǵaz qujattardyń shynaıylyǵyn rastaý qıyndyq týdyryp jatatyny belgili. Al «eGov mobile» mobıldi qosymshasynda qujattyń shynaıylyǵyn elektrondyq úkimet rastaıdy. Sondyqtan stýdenttik bıletterdi sandyq formatqa aýystyrý tek aqsha únemdep qana qoımaı, sonymen qatar stýdent mártebesin rastaý kezinde yńǵaıly bolyp tabylady», dedi Bilim jáne ǵylym vıse-mınıstri Rústem Bıǵarı.
