ELDIK JÁNE О́ŃIRLIK MÚDDELER JOLYNDA

Senattyń Ekonomıkalyq jáne óńirlik saıasat komıtetinde “Jer qoınaýy jáne jer qoı­naýyn paıdalaný týraly” zań jobasy talqylandy. Joba jer qoınaýyn paıdalaný operasııa­laryn júrgizýge ınvestısııa tartý úshin jaǵymdy jaǵdaı jasaýǵa, respýblıkalyq jáne óńirlik múddeler men mıneral­dyq-shıkizattyq bazanyń úı­le­simin qamtamasyz etýge baǵyt­talǵan. Zań jobasynda memlekettiń basym quqyqtaryn júzege asy­rý men jer qoınaýyn paıda­laný quqyǵy bar zańdy tulǵa­lardy jer qoınaýyn (onyń bó­likterin) paıdalaný quqyqta­rynan aıyrýǵa ruqsat berý (ruqsat bermeý) rásimderin eg­jeı-tegjeıli retteý qarasty­rylǵan. Qujat jer qoınaýyn paıdalaný quqyǵyn konkýrstyq jaǵdaıda jáne tikeleı kelis­sózder arqyly berýdi qarasty­rady. Sondaı-aq quzyretti or­gandar bastamasy boıynsha birjaqty túrde jer qoınaýyn paıdalaný sharttarynyń kúshi toqtatylǵan jaǵdaıda ony qaı­ta jańǵyrtýdy qarastyratyn ereje de engizildi. Májiliste maquldanǵan zań jobasyn talqylaý barysynda birqatar baǵyttar boıynsha óz­gerister men tolyqtyrýlar en­giziletin boldy. Atap aıtqanda, strategııalyq mańyzdy energııa jetkizýshi alý maqsatynda iles­pe gazdy óńdeý arqyly tıimdi paıdalaný nemese qorshaǵan ortany jáne halyq densaýly­ǵyn qorǵaý úshin munaı hımııa­sy ónerkásibine shıkizat re­sýrstaryn alýdy qarastyratyn túzetýler engizildi. Jer qoınaýyn paıdalaný jónindegi operasııalardy júr­gizý barysyndaǵy taýarlardaǵy, jumystar men qyzmet kórsetý­lerdegi qazaqstandyq quramǵa qatysty, sondaı-aq jer qoınaýyn paıdalanýshylardyń qazaqstandyq mamandar týraly mindettemelerin oryndaý týra­ly Úkimet quzyreti tolyqty­ryldy. Basqa da sheshimdi jáıt­ter qamtyldy, dep habarlady osy palatanyń baspasóz qyzmeti.