Ádette jańǵaq aǵashy oblystyń barlyq óńirinde óse bermeıdi. Túlkibas, Tólebı, Saıram, Qazyǵurt aýdandarynyń taý bókterinde jáne úıirgelik jerlerde ósedi. Túlkibas aýdanynda sońǵy úsh jylda 382 gektar jerge jańǵaq aǵashynyń kóshetteri otyrǵyzylǵan.
Aıta keterligi, aýdan boıynsha bıyl jańǵaq daqylynan 866 tonna ónim jınalyp otyr. Kásipkerler aýdandyq ortalyq bazar janynan qabyldaý pýnkterin ashyp, sapasyna qaraı kelisin 400-700 teńgeden satyp alýda. Keıin ónimdi qaıta óndeýden ótkizip, qabyǵynan ajyratyp oblysymyzdyń iri saýda ortalyqtary men kondıterlik sehtarǵa nemese basqa óńirlerge kelisin 1400-1800 teńgeden saýdalaýda.
