Jeltoqsannyń yzǵaryn biz de sezindik

Meniń oǵan qosatynym da sol oqıǵaǵa uqsas. Men ol kezde Qaraǵan­dy oblystyq «Ortalyq Qazaqstan» gazetiniń bólim meńgerýshisi edim. Oblystyq gazettiń kitaphanasy barlyq oblystyq gazetterdi jazdyryp alatyn. Kitaphanaǵa kelip jatqan gazetter úıilip jatady. Bir kúni kitaphanaǵa baryp, «Jetisý» gazetin qarasam, Qaırat basta­ǵan tórt jigittiń sýreti shyǵypty. Jigit­ter qasqaıyp tur. Sýretke tańǵalyp, bólmelerdi aralatyp júrip, áriptesterime kórsetip shyq­tym da, gazetti kitaphanaǵa aparyp qoıdym. Erteńinde KGB-dan kelip júretin jigit (syrtynan tanı­myz) kitaphanaǵa kelip ketipti. Sodan keıin redaktorymyz Tileýhan Júsipov kitaphanashyny shaqyr­typ, «Jetisý» gazetiniń sol nómirin suratady. Gazet ornynda joq bolyp shyǵady. Men «kórgenimdi, bas­qalarǵa kórsetkenimdi aıttym, ornyna aparyp qoıdym», dedim.

KGB qyzmetkeri erteńine taǵy kelip, gazetti izdetti.

Osylaısha bir álek bolǵanymyz bar. Sol 1987 jylǵy jeltoqsannyń sońǵy kúnderi qazaq jýrnalısteri kórgen kúnimiz qarań bolǵanyn umytpaımyn. О́zimizben kórshi, bir-eki qabat qana joǵary turatyn orys gazetiniń jýrnalısteri bizge, kádimgi jaýyndaı qarap ótedi. Sálem­despeıdi de. QazTAG-tan qazaq­t­y áshkerelegen materıal­dar túsip jatady. «Indýstrıal­naıa Karagandy» kúnde basady. «Ortalyq...» keshiktirgen bolady. Keıde redaktorymyz shaqyryp alyp aqyldasady, QazTAG-tyń orysshadan aýdarylǵan materıalyn aldyna jaıyp qoıyp «Mynany ne isteımiz», deıdi. «Bermeıik» deımiz. Árıne, keıde «Bermeıik» deýin desek te, dármen joq, obkomnan qorqyp beremiz. Gazettiń sol nómirin ashpaımyz da, jıirkenip otyramyz. Sondaı kún bolǵan...

  Zarqyn TAIShYBAI