Bul týraly vedomstvoaralyq komıssııa málimdedi. Qazir óńirde balabaqshaǵa baratyn 77 bala, balalar uıymdarynda jumys isteıtin qyzmetkerler arasynda 54 adam koronavırýs ınfeksııasyn juqtyrdy.
Osylaısha, Pavlodarda 22 jeltoqsannan bastap №23 balabaqsha jabyldy. Bul jerde bir tárbıeshi men eki bala ınfeksııa juqtyrǵan. Ekibastuzda №20 balabaqsha jabyldy, Aqsý qalasynda "Balapan" bóbekjaıy men №2 bóbekjaı karantınge jabyldy. Ár mekemede eki baladan ınfeksııa juqtyrdy.
Vedomstvoaralyq komıssııanyń habarlaýynsha, qazir balalar medısınalyq baqylaýǵa alyndy.
