Almatyda turǵyn úıdi jalǵa bergen jeke kásipkerlerden bıýdjetke 1,8 mlrd. teńge tústi. Almaty qalasy salyq departamentinen habarlanǵandaı, ótken jyldyń osy kezeńimen salystyrǵanda, ósý qarqyny 11 aıda 128 paıyzdy quraǵan nemese 400 mln. teńge artyq túsken.
Almatyda turǵyn úıdi jalǵa bergen jeke kásipkerlerden bıýdjetke 1,8 mlrd. teńge tústi. Almaty qalasy salyq departamentinen habarlanǵandaı, ótken jyldyń osy kezeńimen salystyrǵanda, ósý qarqyny 11 aıda 128 paıyzdy quraǵan nemese 400 mln. teńge artyq túsken.
Keshe Qyzylordada oblystyq sottyń 75 jyldyǵy atalyp ótti. Onyń barysynda Joǵarǵy Sot tóraǵasy Qaırat Mámı oblystyq sot keńsesine merekelik syı retinde 6 avtokólik pen 3 páter tapsyrsa, oblys ákimi Qyrymbek Kósherbaev oblys ákimdigi atynan 2 avtokólik tartý etti.
Shyǵys Qazaqstan oblysynyń qala men aýdandar ákimderi esep berýlerin bastady. Premer-Mınıstrdiń tapsyrmasynda kórsetilgen memlekettik baǵdarlamalardyń júzege asyrylý barysy baıandalatyn bul esepterdi oblys ákimi Berdibek Saparbaev bastaǵan komıssııa qabyldap jatyr.
Jambyl oblystyq ákimdiginde bos oryndarǵa ashyq konkýrs ótkizildi. Oǵan jastary 24-39 aralyǵyndaǵy 21 talapker tilek bildirip, solardyń 19-y testileýge qatysty. «Memlekettik qyzmetke kelgisi keletinder arasynda talantty jastardyń kóp ekenine kózimiz jetti», – dedi osyǵan oraı oblys ákimdiginiń apparat jetekshisi Rahmatilda Rahmanberdıev.
Búgin Qostanaıdan Shymkentke deıin tirkeme vagon birinshi ret saparǵa shyǵady. Áýelgijolyn№238Qostanaı-Qaraǵandy poıyzymen birge bastaıtyn ilki qadam ózin-ózi aqtasa, jańa jyldan bastap jańa baǵyttar qataryna qosylady.
Atyraýdan soltústikke qaraı Jaıyq boıymen jańa jol salynady. Bul keshe oblys ákiminiń orynbasary Tımýrjan Shákimov ótkizgen Atyraý qalasynyń 2045 jylǵa deıingi bas qurylys jospary tujyrymdamasyn talqylaý jıyny kezinde belgili boldy.
Aqtaýdyń teńiz jaǵalaýyndaǵy jańa turǵynjaı aýdanyn jaryqtandyrýǵa qosymsha qarjy qaraldy. Bul týraly málimdegen qala ekonomıka jáne bıýdjettik josparlaý bóliminiń basshysy Ada Kım osy jumystar úshin únemdelgen qarjy esebinen 56 mln. 579 myń teńge aqsha bólinetinin aıtty.
Egemen.kz habarlary boıynsha daıyndaldy.
