Erjan Qazanbaev 1983 jyly Almaty qalasynda týǵan. 2006 jyly Almaty tehnologııalyq ýnıversıtetin, 2008 jyly Aberdın ýnıversıtetin (Ulybrıtanııa) bitirgen. Eńbek jolyn 2008 jyly «Ekspress Bank» AQ-ynda komplaens-baqylaýshy bolyp bastaǵan. Sonymen qatar kommersııalyq qurylymdarda jumys istedi. 2010-2012 jj. — QR Ekonomıka jáne bıýdjettik josparlaý mınıstrliginiń Investısııalyq saıasat departamentiniń Investısııalyq saıasat basqarmasynyń sarapshysy m. a., sarapshy.
2012-2013 jj. — QR Ekonomıkalyq damý jáne saýda mınıstrliginiń Kásipkerlikti qarjylaı qoldaý basqarmasynyń basshysy. 2013 jyly — Ekonomıka jáne bıýdjettik josparlaý mınıstrliginiń Memleket mindettemelerin basqarý jáne qarjy sektoryn damytý saıasaty departamentiniń Memleket mindettemeleri basqarmasynyń saıasat basqarmasynyń basshysy. 2013-2016 jj. — QR Ekonomıka jáne bıýdjettik josparlaý mınıstrliginiń Ekonomıka salalaryn damytý departamenti dırektorynyń orynbasary, Astana q. 2016-2019 jj. — QR Ulttyq ekonomıka mınıstrliginiń Ekonomıka salalaryn damytý departamentiniń dırektory. 2019 jylǵy shilde aıynan qazirge deıin QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary qyzmetin atqardy.
Aıta keteıik, Asqaruly Azamat bergen ótinishine sáıkes QR saýda jáne ıntegrasııa vıse-mınıstri qyzmetinen bosatyldy.
