Qaýlyǵa sáıkes, balabaqshalar men mektepterde kezekshi toptardyń jumysy toqtatylady. Saýda ortalyqtary Jańa jylǵa deıin jáne demalys kúnderi túngi saǵat 23:00-ge deıin isteıdi. Al azyq-túlik jáne basqa taýar satatyn bazarlar keshki 17:00-de jabylady.
Meıramhanalar men dámhanalar túngi saǵat 22:00-ge deıin ashyq bolady. Al saýda ortalyqtarynda ornalasqan qoǵamdyq tamaqtaný oryndary 23:00-de jabylady. Biraq ujymdyq jıyndarǵa ruqsat berilmeıdi.
25 jeltoqsan - 5 qańtar aralyǵynda barlyq mekemeler men uıymdarda jańa jyldyq oıyn-saýyq sharalaryna, anımatorlardy úıge shaqyrý boıynsha agenttikterdiń jumysyna tyıym salynady.
Al demalys úıleri, shıpajaılar, kýrorttar men týrıstik bazalar jumys isteı beredi. Mundaı jaǵdaıda PTR-test teris nátıjesi bar anyqtama bolýy kerek.
Al karaoke, bılıard, túngi jáne oıyn klýbtary, býkmekerlik keńseler, lotoklýbtar, fýdkorttar, balalardyq sporttyq alańdary, atraksıondar, batýttar men korttar sol qalpynda jabyq bolady.
Aıta keteıik, ótken bir táýliktiń ishinde Almatyda koronavırýs juqtyrǵandardyń sany artty. Kesheden beri 90 adamdan COVID-19 anyqtaldy. Jyl basynan beri koronavırýstyq ınfeksııanyń 17 790 jaǵdaıy, sondaı-aq tamyz aıynan bastap pnevmonııanyń 1349 jaǵdaıy tirkeldi.
