Memleket basshysy Nursultan Nazarbaev Ońtústik Afrıka Respýblıkasynyń Prezıdenti Djeıkob Zýmaǵa Nelson Mandelanyń qaıtys bolýyna baılanysty jedelhat joldady, dep habarlady Qazaqstan Prezıdentiniń baspasóz qyzmeti.
Memleket basshysy Nursultan Nazarbaev Ońtústik Afrıka Respýblıkasynyń Prezıdenti Djeıkob Zýmaǵa Nelson Mandelanyń qaıtys bolýyna baılanysty jedelhat joldady, dep habarlady Qazaqstan Prezıdentiniń baspasóz qyzmeti.
Qazaqstan Prezıdenti Ońtústik Afrıka Respýblıkasynyń uly perzenti Nelson Mandelanyń qaıtys bolǵany týraly qaıǵyly habardy kúızele otyryp qabyldaǵanyn atap ótken.
«Álemge tanymal Prezıdent Nelson Mandela – óziniń búkil ómirin kemsitýshilik pen aparteıdke qarsy kúreske arnaǵan, jańa demokratııalyq jáne zaıyrly memlekettiń qurýshysy bolǵan erjúrek kúresker. Onyń ónegeli ómiri álemniń kóptegen halqyn ózderiniń bostandyǵy úshin kúreske jigerlendirip, azamattarynyń júrekterine úmit otyn uıalatty. Bul kemeńger tulǵanyń jarqyn beınesi Afrıka halyqtarynyń ult-azattyq kúresi men táýelsizdiginiń sımvoly retinde adamzat tarıhynda máńgi saqtalatyny shúbásiz», – delingen jedelhatta.
Sońynda Nursultan Nazarbaev orny tolmas aýyr qazany bólisip, Qazaqstan halqy atynan jáne jeke óz atynan búkil Ońtústik Afrıka halqyna qaıǵylaryna ortaqtastyǵyn bildirdi.
