«Almaty qalasyndaǵy epıdemıologııalyq jaǵdaıǵa keletin bolsaq, búgingi kúnde kúrdeli kúıinde qalyp otyr. Qyrkúıek aıynda KVI barynsha tómendegennen keıin, qazan aıynda 366 jaǵdaı, qarashadada 1 399 jaǵdaı jáne jeltoqsan aıynda búgingi kúnge deıin 1635 jaǵdaı tirkelip, indettiń ósýi qarqyndaýda», dedi Bekshın.
Aıta keteıik, jyl basynan beri qalada 17 790 adam koronavırýs ınfeksııasyn juqtyrdy, birinshi tamyzdan bastap 1 349 pnevmonııaǵa shaldyqty.
Bekshınniń aıtýynsha, koronavırýs boıynsha Almaty qalasynda epıdemıologııalyq jaǵdaıynyń órbýi aldyn ala boljamdaǵan mólsherge sáıkes kelip otyr: jeltoqsan aıynda 1 aptada – 420 jaǵdaı, 2 aptada – 460 jaǵdaı, 3 aptada – 510 jaǵdaı, 4 aptada – 560 jaǵdaı boljam boıynsha jalpy aıdyń qorytyndysymen 1 900 jaǵdaı jáne pessımıstik boljam boıynsha 2 200 jaǵdaıǵa jetýi múmkin.
Soǵan baılanysty qalanyń bas sanıtarynyń jańa qaýlysy jarııalandy. Qujatqa sáıkes, saýda ortalyqtary Jańa jylǵa deıin jáne demalys kúnderi túngi saǵat 23:00-ge deıin isteıdi. Al azyq-túlik jáne basqa taýar satatyn bazarlar keshki 17:00-de jabylady. Barlyq jerde sanıtarlyq rejım qatań saqtalýy shart.
Meıramhanalar men dámhanalar túngi saǵat 22:00-ge deıin ashyq bolady. Al saýda ortalyqtarynda ornalasqan qoǵamdyq tamaqtaný oryndary 23:00-de jabylady.
