Buǵan deıin Amerıka Qurama Shtattarynda resmı saparmen bolyp, birqatar resmı adamdarmen ekijaqty kelissózder júrgizgen elimizdiń Bas prokýrory Ashat Daýylbaev Kanadaǵa sapary aıasynda birqatar memlekettik organdardyń basshylarymen kezdesý ótkizdi.
Buǵan deıin Amerıka Qurama Shtattarynda resmı saparmen bolyp, birqatar resmı adamdarmen ekijaqty kelissózder júrgizgen elimizdiń Bas prokýrory Ashat Daýylbaev Kanadaǵa sapary aıasynda birqatar memlekettik organdardyń basshylarymen kezdesý ótkizdi.
Senat spıkeri Noel Kınsellamen kezdesý barysynda A.Daýylbaev quqyqtyq saladaǵy yntymaqtastyqtyń keleshegin talqylady. Qazaqstan men Kanada arasynda dostyq pen ózara tıimdi qarym-qatynas ornaǵandyǵyna qanaǵattanýshylyq sezimmen nazar bólgen áńgimelesýshiler bul sapardyń áriptestiktiń odan ári damýyna, eki eldiń quqyqtyq júıeleriniń damý tájirıbelerimen almasýǵa jasalǵan mańyzdy qadam ekendigin atap ótti.
Qazaqstan prokýratýrasynyń qadaǵalaýshylyq jáne quqyq qorǵaý qyzmetiniń negizgi baǵyttary týraly áńgimelep bergen Bas prokýror qazirgi zamanǵy qaýip-qaterlerge qarsy turý oraıynda halyqaralyq quqyqtyq yntymaqtastyqty keńeıtýdiń mańyzdylyǵyna erekshe nazar aýdarylyp otyrǵandyǵyna toqtaldy.
Kanada ázirge Qazaqstan Qylmystyq ister boıynsha ózara quqyqtyq kómek kórsetý týraly kelisimshart jasasqan Amerıka qurlyǵyndaǵy jalǵyz memleket bolyp tabylady. Qazirgi ýaqytta qol qoıylǵan kelisimshart ratıfıkasııalanýǵa ázirlený ústinde.
Kanadanyń Azamattyq jáne ımmıgrasııa mınıstri Krıs Aleksandermen kezdesýi barysynda Bas prokýror kóshi-qon prosesin quqyqtyq retteý salasyndaǵy kanadalyq tájirıbeni zerdeleýge múddelilik tanytty.
Kanada Ádilet mınıstriniń birinshi orynbasary jáne Bas prokýrory Ýılıam Pıntnımen kezdesý barysynda transulttyq uıymdasqan qylmyspen, esirtkiniń zańsyz aınalymymen, kıberqylmystylyqpen jáne terrorızmmen kúres salalaryndaǵy ózara is-qımyldyń ózekti máseleleri talqylandy, dep habarlady Qazaqstan Respýblıkasy Bas prokýratýrasynyń baspasóz qyzmeti.
