«Nur-Sultan qalasynda halyq sanymen qatar, turǵyn úıge muqtaj jandar da artyp keledi. Búgingi tańda elordada 48 113 adam úı kezeginde tur. Olardyń ishinde 2752-i jetim bala, 4825-i kópbalaly otbasy, 18937-i áleýmettik osal topqa kiretin jan, 21505-i memlekettik qyzmetker jáne bıýdjettik uıym qyzmetkerleri bar. Sondaı-aq, 93-i apatty jaǵdaıdaǵy turǵyn úı ıeleri», dedi A. Eńsebaev qalalyq máslıhattyń jalpy otyrysynda.
Basqarma basshysynyń málimdeýinshe, bıyl túgendeý jumystarynan keıin 4142 elordalyq úı keziginde turǵan tizimnen shyǵaryldy.
«Qazirgi tańda Úkimet 2020-2025 jyldarǵa arnalǵan «Nurly jer» turǵyn úı – kommýnaldyq baǵdarlamasyn ázirlep, bekitti. Biryńǵaı turǵyn úı saıasatyn júzege asyrý maqsatynda baspanamen qamtýdyń birneshe baǵyty qarastyrylǵan. Atap aıtqanda, satyp alý quqyǵynsyz úıdi jalǵa berý, úı kezeginde turǵan az qamtylǵan otbasylarǵa Turǵyn úı jınaq qurylys banki arqyly nesıe berý jáne nesıelik turǵyn úı qurylysy qyzmetin ilgeriletý», deıdi ol.
