Santo Member of Polpharma Group kompanııasynyń Ǵylymı qory medısına men farmasııa salasyndaǵy ǵylymı zertteýdi jalǵastyrý úshin Astana Medısınalyq ýnıversıtetiniń eki ǵalymynyń árqaısysyna 1000000 teńge kóleminde granttardy tapsyrdy.
Santo Member of Polpharma Group kompanııasynyń Ǵylymı qory medısına men farmasııa salasyndaǵy ǵylymı zertteýdi jalǵastyrý úshin Astana Medısınalyq ýnıversıtetiniń eki ǵalymynyń árqaısysyna 1000000 teńge kóleminde granttardy tapsyrdy.
«Akademııalyq baǵdarlamanyń» shákirtaqysyn alǵashqy bolyp Raýshan Ysqaqova jáne Roza Qarabekova alyp otyr.
Ústimizdegi jyly atalmysh kompanııa Astana Medısınalyq ýnıversıtetiniń izdenimpaz ǵalymdaryna qoldaý kórsetý maqsatynda «Akademııalyq baǵdarlama» taǵaıyndaǵan bolatyn. Baǵdarlama bıylǵy jyldyń kókteminde Astana ekonomıkalyq forýmynda Astana Medısınalyq ýnıversıtetimen birge qol qoıylǵan Memorandým sheńberinde júzege asyrylýda.
«Atalǵan baǵdarlama memleket pen jekemenshiktiń densaýlyq saqtaý salasyndaǵy seriktestiginiń naqty dáleli bolyp tabylady jáne ol birinshi kezekte Qazaqstan azamattarynyń ómir súrý sapasy men olarǵa kórsetiletin medısınalyq qyzmetti jaqsartýǵa baǵyttalǵan. Biz otandyq ǵalymdardyń zertteýshilik áleýetin damytýǵa aldaǵy ýaqytta da óz úlesimizdi qosýǵa nıettimiz», – dep atap ótti Santo Member of Polpharma Group bas dırektory Shahın Arslan.
Laýreattarǵa granttardy Polsha respýblıkasynyń Qazaqstandaǵy Tótenshe jáne ókiletti elshisi Iаsek Klıýchkovskı jáne Qazaqstan Respýblıkasynyń Indýstrııa jáne jańa tehnologııalar mınıstrliginiń ókili Gúlnar Ilmalıeva, Santo Member of Polpharma Group bas dırektory Shahın Arslan jáne Qazaqstan Respýblıkasy Densaýlyq saqtaý mınıstrliginiń Ǵylym jáne adam qorlary departamentiniń dırektory Alma Syzdyqova tapsyrdy.
Aınash ESALI,
«Egemen Qazaqstan».
ALMATY.
