Án dese ishken asyn jerge qoıatyn jurtshylyq keshe keshkisin elordadaǵy «Qazaqstan» Ortalyq konsert zalyn betke aldy.
Án dese ishken asyn jerge qoıatyn jurtshylyq keshe keshkisin elordadaǵy «Qazaqstan» Ortalyq konsert zalyn betke aldy.
Munda «Qazaqstan» respýblıkalyq teleradıo korporasııasy AQ, Qazaq radıosynyń tól jobasy II halyqaralyq «Dala daýysy» radıofestıvali jeńimpazdaryn saltanatty marapattaý rásimi ótti. Atalǵan iri jobada radıo tyńdaýshy jáne kásibı mamandar anyqtaǵan úzdik ánderdiń oryndaýshylary óner kórsetti.
«Dala daýysy» radıofestıvaline jalpy sany júz oryndaýshy qatysyp baqtaryn synasa, tórt nomınasııa boıynsha onyń jıyrmasy jeńimpazdar qatarynan oryn alyp otyr. Atap aıtqanda, «Úzdik dástúrli oryndaýshy» atalymynda Erlan Rysqalı, Yrysty Súleımenova, Aqmaral Noǵaıbaeva, Gúlmıra Sarına jáne Aqmaral Erimbetova úzdikter qatarynan kórindi. Al «Úzdik estrada ánshisi» bolyp «MýzART» toby, Nurlan Alban, Zaǵıpa Imanǵazıeva, Adam, Almas Kishkenbaev jáne V-ALEM, «Alashuly» toby men Ǵanı Mátebaev tanyldy. «Úzdik akademııalyq oryndaýshy» nomınasııasynda Stanıslav Nı men Dına Hamzınanyń baǵy jansa, «Jańa esimder» quramyn Anar Qumarova, Marat Medetov (Qazaqstan), «Dos» dýeti (QHR), Ferıal Bashel (Túrkııa), Aıdaı Sábıtova (Qyrǵyzstan), Saltanat Bıgýlına (Reseı) tolyqtyrdy.
Jeńimpazdardy memleket jáne qoǵam qaıratkeri Myrzataı Joldasbekov, Qazaqstan Respýblıkasy Prezıdenti Keńsesiniń Bastyǵy Mahmut Qasymbekov, «Qazaqstan» respýblıkalyq teleradıo korporasııasynyń tóraıymy Nurjan Muhamedjanova, «Egemen Qazaqstan» RG» AQ prezıdenti Saýytbek Abdrahmanov, Mádenıet jáne aqparat mınıstrligi Aqparat jáne muraǵat komıteti tóraǵasynyń orynbasary Erkeǵalı Kárbozov jáne Iýnýs Emre túrik mádenı ortalyǵynyń dırektory Ibragım Iyldyrym syndy azamattar marapattap, olarǵa aq jol tiledi. Myrzataı Joldasbekov jobany bolashaqta «Uly dala daýysy» dep ataýdy usynyp, qaıratker aǵanyń usynysy qoldaý tapty.
Ábdirahman QYDYRBEK,
«Egemen Qazaqstan».
