Eýrazııa ulttyq ýnıversıtetinde «Alqa» ádebı klýbynyń uıymdastyrýymen «Eń birinshi baqytym» atty Astana stýdentteriniń aıtysy ótti. Dúbirli básekege qalamyzdaǵy tórt joǵary oqý ornynyń sýyrypsalma aqyndary qatysty.
Eýrazııa ulttyq ýnıversıtetinde «Alqa» ádebı klýbynyń uıymdastyrýymen «Eń birinshi baqytym» atty Astana stýdentteriniń aıtysy ótti. Dúbirli básekege qalamyzdaǵy tórt joǵary oqý ornynyń sýyrypsalma aqyndary qatysty.
«Aıtys – sóz barymtasy» dep zańǵar jazýshymyz Muhtar Áýezov aıtpaqshy, ata-babadan urpaqqa mıras bolyp qalǵan baılyǵymyz búgingi kúni de barynsha dáriptelip keledi. Stýdentter saıysyna Seıit Qasqabasov, Raqymjan Turysbek, Balǵynbek Imashev, Namazáli Omashev, Kenjeǵalı Myrjyqbaı, Qalqaman Sarın, Aınur Tursynbaeva, Sara Tastanbekqyzy, Jandarbek Bulǵaqov, Muqtar Nııazov syndy belgili óner janashyrlarynyń qazylyq etýi de tegin bolmasa kerek.
Aldymen aıtyskerler bes jupqa bólinip, ózara baq synady. «Tulparda da tulpar bar, Qazanaty bir bólek, Jigitte de jigit bar, Azamaty bir bólek» demekshi, dodadan oza shapqandar aqtyq saıysta kezdesti. Sóıtip, bas júldeni Eýrazııa ulttyq ýnıversıtetiniń úshinshi kýrs stýdenti Meıirbek Sultanhan enshiledi.
Aıtyskerlerdiń barlyǵyna derlik «Jádiger» qoǵamdyq qory men «Senim» kásipodaq uıymynyń atynan túrli baǵaly syılyqtar tabystaldy.
Kamshat JUBATHANOVA,
Eýrazııa ulttyq ýnıversıtetiniń
1-kýrs stýdenti.
