«Jalpy alǵanda, nátıjeler qanaǵattanarlyq. Araqashyqtyq belgilerin jańartý, sondaı-aq kınoteatrlardan shyqqan kezde áleýmettik araqashyqtyqty saqtaý týraly birqatar eskertpeler aıtyldy. Osy eskertýlerdi túzetkennen keıin kınoteatrlar óz jumysyn jalǵastyra alady», - dedi Nur-Sultan qalasynyń ınvestısııalar jáne kásipkerlikti damytý basqarmasynyń saýda jáne servıstik qyzmetti damytý bóliminiń basshysy Rýslan Ydyrysov.
Eske salaıyq, elordadaǵy kınoteatrlar 26 jeltoqsannan bastap jumys isteı bastaıdy. Olarǵa kelýshiler oryn sanynyń 30% -nan aspaýy kerek, kórermenderdiń otyrýy qatardyń uzyndyǵy boıynsha eki oryn saıyn qatarlar boıynsha shahmat tártibimen uıymdastyrylyp, kúsheıtilgen sanıtarlyq-epıdemıologııalyq normalarǵa sáıkes bolýy kerek. Jumys, demalys jáne mereke kúnderindegi jumys ýaqyty - 10: 00-den 24: 00-ge deıin, aksııalar ótkizilmeıdi. Karantın jáne shekteý sharalaryn buzý faktileri anyqtalǵan jaǵdaıda kınoteatrlardyń jumysy toqtatylady.
