Elordadaǵy Ulttyq akademııalyq kitaphanada qoǵam jáne memleket qaıratkeri, jazýshy-zertteýshi Shaımurat Qýanǵanovtyń 75 jyldyǵyna arnalǵan shyǵarmashylyq kesh ótti.
Elordadaǵy Ulttyq akademııalyq kitaphanada qoǵam jáne memleket qaıratkeri, jazýshy-zertteýshi Shaımurat Qýanǵanovtyń 75 jyldyǵyna arnalǵan shyǵarmashylyq kesh ótti.
Qazaq SSR jáne QR Mınıstrler keńesinde, Aýyl sharýashylyǵy mınıstrliginde, Prezıdent Ákimshiliginde 30 jyldan astam ýaqyt qyzmet atqarǵan Shaımurat Qýanǵanov Máskeýdegi Tımırıazev atyndaǵy aýyl sharýashylyq akademııasynyń túlegi.
Onyń qalamynan «Buqar jyraý jáne onyń zamany» jáne «Arıı-gýn» skvoz veka ı prostranstvo: svıdetelstva, toponımy» atty kitaptar týdy. Keıingi kitap avtordyń 2008 jyly jaryq kórgen osy attas kitabynyń tolyqtyrylǵan jáne túzetilgen nusqasy bolyp tabylady. Belgili toponımder, jer ataýlarynyń negizinde ejelgi túrki rýlary men taıpalarynyń tarıhı júrgen joldary qaralady. Basylymda muraǵat materıaldarynyń negizinde Kır, Eskendir Zulqarnaıyn, Attıla-Edil, kóne dúnıeniń áıgili fılosoftary esimderimen baılanysty tarıhı oqıǵalar kórinis tapqan. Shaımurat Qýanǵanovtyń qazaqtardyń tarıhy týraly ǵylymı eńbekteri de baspasóz betterinde jarııalanyp júr.
Shyǵarmashylyq keshke aqyn-jazýshylar, belgili qoǵam qaıratkerleri, ánshi-jyrshylar men BAQ ókilderi qatysty.
«Egemen-aqparat».
