Alty jyl buryn elordada Astana qalasy ákimdiginiń qoldaýymen qurylǵan Jastar teatry Sh.Aıtmatov, Á.Kekilbaev shyǵarmalarynyń jelisimen qoıylǵan «Shyńǵys han» spektaklimen shymyldyǵyn ashqan edi. Osy aralyqta izdenis ústindegi jas teatr ujymy halyqaralyq, respýblıkalyq teatr festıvalderine qatysyp, birneshe ret Gran-prı ıegeri atandy.
Alty jyl buryn elordada Astana qalasy ákimdiginiń qoldaýymen qurylǵan Jastar teatry Sh.Aıtmatov, Á.Kekilbaev shyǵarmalarynyń jelisimen qoıylǵan «Shyńǵys han» spektaklimen shymyldyǵyn ashqan edi. Osy aralyqta izdenis ústindegi jas teatr ujymy halyqaralyq, respýblıkalyq teatr festıvalderine qatysyp, birneshe ret Gran-prı ıegeri atandy.
Búgingi tańda talantty jastar quramymen jasaqtalǵan jas teatrdyń repertýarynda jıyrmaǵa jýyq qoıylym bar. Sondaı-aq, alǵash ret trýppa quramynda T.Júrgenov atyndaǵy óner akademııasyn bıyl bitiretin 4-kýrs stýdentteri álemdik tájirıbede dýaldy oqytý júıesi boıynsha tájirıbe almasyp jatqan jaıy bar.
Jeltoqsan aıynyń basynda atalmysh teatr mádenıettiń ordasy Almatyda kishi gastroldik saparyn ótkizdi. 2-jeltoqsan kúni B.Soqpaqbaevtyń «...Kózime bir kórinseń bala ǵashyq...» sahnalyq povesi, 3-jeltoqsan kúni S.Raevtiń «Mekkege qaraı uzaq jol» qoıylymdaryn usyndy. Bul qoıylymdardyń rejısseri – Qazaqstannyń eńbek sińirgen qaıratkeri Nurqanat Jaqypbaı. Atalmysh spektaklder qazaq teatr óneriniń qarashańyraǵy M.Áýezov atyndaǵy memlekettik akademııalyq qazaq drama teatrynda ótti.
Osy kishi gastroldik sapardy uıymdastyrýǵa ulttyq teatr óneriniń qarashańyraǵy – M.Áýezov atyndaǵy qazaq memlekettik akademııalyq drama teatry muryndyq bolǵanyn aıtyp ótken abzal.
Almaty qalasyna bastaǵan gastroldik sapar jaıynda «Jastar teatrynyń» dırektory Aıbolat Seksenbaev:
– «Astanalyq Jastar teatry az jyldyq tarıhy bolsa da shyǵarmashylyq baǵytyn aıqyndaǵan, óz kórermenderi bar ujym. Repertýarymyzda 20-ǵa jýyq ártúrli janrdy qamtıtyn kórkemdik deńgeıi joǵary qoıylymdarymyz kórermenderimizdiń kóńilderinen shyǵýda. Bul gastroldik sapardy uıymdastyrýǵa álemdik tájirıbege engizilgen «Dýaldy oqytý júıesi» baǵdarlamasy sep boldy. T.Júrgenov atyndaǵy qazaq ulttyq óner akademııasynyń 4-kýrs stýdentteri men teatrymyzdyń kásibı akterleri bir sahnada óner kórsetti.
Aınash ESALI,
«Egemen Qazaqstan».
ALMATY.
